gurez karti hui ruton mein

gurez kartī huī rutoñ meñ

khañDar ke andar

koī chiTḳhinī lagā ke baiThā

‘majīd-amjad' ko paḌh rahā hai

ye saat rangoñ ke canvas par jo āTHvāñ hai

ye shā'irī hai

'ajīb bhedoñ kā silsila hai

safar pe nikleñ

to din kī daldal meñ dhañste paañv

purāne rastoñ ko muḌ ke dekheñ

jahāñ kabhī koī muntazir thā

kabhī jo aane meñ der hotī

to us kī āñkhoñ meñ aañsū hote

vo nam palastar ko chiir detā

ye amphi-theatre kī sīḌhiyāñ haiñ

yahāñ pe baiThe hasīn chehroñ ko afrūdetī ne chun liyā hai

ba-juz mohabbat

ye dil hai ḳhālī khanaktā bartan

jise tamanna kī bārishoñ ne bharā nahīñ hai

hamārī āñkhoñ pe raushnī kā zuhūr hone se thoḌā pahle

kisī ne channel badal diyā thā

gurez karti hui ruton mein

khanDar ke andar

koi chiTKHini laga ke baiTha

‘majid-amjad' ko paDh raha hai

ye sat rangon ke canwas par jo aaTHwan hai

ye sha'iri hai

'ajib bhedon ka silsila hai

safar pe niklen

to din ki daldal mein dhanste panw

purane raston ko muD ke dekhen

jahan kabhi koi muntazir tha

kabhi jo aane mein der hoti

to us ki aankhon mein aansu hote

wo nam palastar ko chir deta

ye amphi-theatre ki siDhiyan hain

yahan pe baiThe hasin chehron ko afrudeti ne chun liya hai

ba-juz mohabbat

ye dil hai KHali khanakta bartan

jise tamanna ki barishon ne bhara nahin hai

hamari aankhon pe raushni ka zuhur hone se thoDa pahle

kisi ne channel badal diya tha