hum log

ḳhāksārān-e-dar-e-pīr-e-muġhāñ haiñ ham log

ya.anī minjumla-e-sāhib-nazarāñ haiñ ham log

ham ko manzūr nahīñ dair-o-haram kī tafrīq

ḳhātir-e-shaiḳh-o-barahman pe girāñ haiñ ham log

ham se hai sīna-e-getī meñ mohabbat kā faroġh

ye jahāñ jism agar hai dil-o-jāñ haiñ log

zauq-e-irfāñ se javānī meñ haiñ sanjīda-ḳhayāl

nudrat-e-fikr se piirī meñ javāñ haiñ ham log

ham se haiñ larza-bar-andāz ḳhudāyān-e-jahāñ

ik na.ī sub.h-e-tamannā kī azaañ haiñ ham log

be-nishāñ sīna-figāroñ kā nishāñ hai ham se

be-zabāñ ḳhāk-nashīnoñ kī zabāñ haiñ ham log

kahīñ āshiq kahīñ dilbar kahīñ suufī kahīñ rind

aur kahīñ shā.ir-e-ejāz-bayāñ haiñ ham log

soz-e-ehsās hameñ naġhma-sarā rakhtā hai

sho.ala-ḳhū sho.ala-nafas sho.ala-ba-jāñ haiñ ham log

harf meñ kyoñ na hamāre ho surūr-e-mai-e-nāb

ḳhāksārān-e-dar-e-pīr-e-muġhāñ haiñ ham log

KHaksaran-e-dar-e-pir-e-mughan hain hum log

yani minjumla-e-sahib-nazaran hain hum log

hum ko manzur nahin dair-o-haram ki tafriq

KHatir-e-shaiKH-o-barahman pe giran hain hum log

hum se hai sina-e-geti mein mohabbat ka farogh

ye jahan jism agar hai dil-o-jaan hain log

zauq-e-irfan se jawani mein hain sanjida-KHayal

nudrat-e-fikr se piri mein jawan hain hum log

hum se hain larza-bar-andaz KHudayan-e-jahan

ek nai subh-e-tamanna ki azan hain hum log

be-nishan sina-figaron ka nishan hai hum se

be-zaban KHak-nashinon ki zaban hain hum log

kahin aashiq kahin dilbar kahin sufi kahin rind

aur kahin shair-e-ejaz-bayan hain hum log

soz-e-ehsas hamein naghma-sara rakhta hai

shoala-KHu shoala-nafas shoala-ba-jaan hain hum log

harf mein kyon na hamare ho surur-e-mai-e-nab

KHaksaran-e-dar-e-pir-e-mughan hain hum log