hamare KHwab raushan hain

añdheroñ ke ghane sāyoñ kā ham ko ḳhauf kyā hogā

ridā-e-zulmat-e-nādīda ham ko kyā Darā.egī

añdherī vādiyāñ mil kar kahāñ tak muñh chaḌhā.eñgī

siyah-baḳhtī muqaddar hai hameñ kyā din dikhā.egī

hamāre sar pe kitne azm ke mahtāb raushan haiñ

hamārī āñkheñ zinda haiñ hamāre ḳhvāb raushan haiñ

ham apnī nāqidāna kāvishoñ ko jagmagā.eñge

ham apnī nasr meñ alfāz kā jaadū jagā.eñge

ġhazal ke ruup meñ ehsās kī sham.eñ jalā.eñge

talāsh-e-raushnī meñ ab bhaTakne kī zarūrat kyā

ham apne andarūñ se ik nayā sūraj ugā.eñge

tavānā.ī qalam meñ hai lahū meñ aag raushan hai

hamārā dard zinda hai hamāre ḳhvāb raushan haiñ

andheron ke ghane sayon ka hum ko KHauf kya hoga

rida-e-zulmat-e-nadida hum ko kya Daraegi

andheri wadiyan mil kar kahan tak munh chaDhaengi

siyah-baKHti muqaddar hai hamein kya din dikhaegi

hamare sar pe kitne azm ke mahtab raushan hain

hamari aankhen zinda hain hamare KHwab raushan hain

hum apni naqidana kawishon ko jagmagaenge

hum apni nasr mein alfaz ka jadu jagaenge

ghazal ke rup mein ehsas ki shamen jalaenge

talash-e-raushni mein ab bhaTakne ki zarurat kya

hum apne andarun se ek naya suraj ugaenge

tawanai qalam mein hai lahu mein aag raushan hai

hamara dard zinda hai hamare KHwab raushan hain