hamare liye to yahi hai!

hamāre liye to yahī hai ki

tumhārā julūs jab shāhrāh se guzre

to tum apnī uñgliyoñ kī titliyāñ hamārī jānib uḌaao

apnī uñgliyoñ ko hoñToñ se chhūte hue

hamārī jānib ek bose kī sūrat uchhālo

jise sameTne ke liye ham ek saath lapkeñ

hamāre liye to yahī hai ki

tumhārā libās ham par mehrbān ho jaa.e

tum apnī bagghī se utarte hue

apne pā.eñche uñgliyoñ se sameT lo

aur tumhārā saindil

tumhāre Taḳhne kī pahre-dārī se ġhāfil ho jaa.e

yā havā tumhāre bāloñ ko lahrā de

aur tum unheñ sameTne kī koshish meñ

apnā nisf baazū barhana kar Daalo

yā āsmān par koī parinda dekhte hue

tumhāre hoñToñ par aane vaalī muskurāhaT

hamārī āñkhoñ se ittifāqī mulāqāt kar le

hamare liye to yahi hai ki

tumhaara julus jab shahrah se guzre

to tum apni ungliyon ki titliyan hamari jaanib uDao

apni ungliyon ko honTon se chhute hue

hamari jaanib ek bose ki surat uchhaalo

jise sameTne ke liye hum ek sath lapken

hamare liye to yahi hai ki

tumhaara libas hum par mehrban ho jae

tum apni bagghi se utarte hue

apne paenche ungliyon se sameT lo

aur tumhaara saindil

tumhaare TaKHne ki pahre-dari se ghafil ho jae

ya hawa tumhaare baalon ko lahra de

aur tum unhen sameTne ki koshish mein

apna nisf bazu barhana kar Dalo

ya aasman par koi parinda dekhte hue

tumhaare honTon par aane wali muskurahaT

hamari aankhon se ittifaqi mulaqat kar le