hamein mujrim nahin kahna

vahī haiñ fāsle aur qāfile phir bhī ravāñ haiñ

vahī haiñ silsile aur dā.ere bhī be-karāñ haiñ

ye ham jo ek bosīda imārat ke khañDar se phuul chunñe jā rahe the

hamārā ḳhvāb thā

ham dahr ko ḳhushbū se bharnā chāhte the

magar ham haDDiyoñ kī raakh le kar aa ga.e haiñ

ye ham ḳhvāboñ ke dariyāoñ se ik jharnā

bas ik chhoTā sā jharnā chāhte the

jo hamāre dasht kī be-āb miTTī ko zarā nam-āshnā kar de

magar jaane kahāñ se ham chitā kī aag le aa.e

hamāre dil kā ye jvālā-mukhī phaTne ko aaya hai

kabhī bhī ham ne lambe fāsloñ se surḳhiyāñ dekhīñ

to ham us samt ko lapke

magar rastoñ ke pech-o-ḳham meñ hī itnā samay biitā

ki ham zardī ko chehroñ par lapeTe lauT aa.e

vahī haiñ silsile aur fāsle aur us pe apne dil meñ chalne kī tamanna bhī

magar umr-e-muayyan kī bachī pūñjī to bas chand ek lamhe hai

ye sach hai ham kabhī bhī ishq ke me.aar par puure nahīñ utre

magar aisā nahīñ karnā

hameñ mujrim nahīñ kahnā

ki ham girah-e-masā.ib paar karne se kabhī munkir nahīñ Thahre

ḳhudāyā ham ko ab terī gavāhī kī zarūrat hai

hameñ phir se tabāhī kī zarūrat hai

wahi hain fasle aur qafile phir bhi rawan hain

wahi hain silsile aur daere bhi be-karan hain

ye hum jo ek bosida imarat ke khanDar se phul chunne ja rahe the

hamara KHwab tha

hum dahr ko KHushbu se bharna chahte the

magar hum haDDiyon ki rakh le kar aa gae hain

ye hum KHwabon ke dariyaon se ek jharna

bas ek chhoTa sa jharna chahte the

jo hamare dasht ki be-ab miTTi ko zara nam-ashna kar de

magar jaane kahan se hum chita ki aag le aae

hamare dil ka ye jwala-mukhi phaTne ko aaya hai

kabhi bhi hum ne lambe faslon se surKHiyan dekhin

to hum us samt ko lapke

magar raston ke pech-o-KHam mein hi itna samay bita

ki hum zardi ko chehron par lapeTe lauT aae

wahi hain silsile aur fasle aur us pe apne dil mein chalne ki tamanna bhi

magar umr-e-muayyan ki bachi punji to bas chand ek lamhe hai

ye sach hai hum kabhi bhi ishq ke mear par pure nahin utre

magar aisa nahin karna

hamein mujrim nahin kahna

ki hum girah-e-masaib par karne se kabhi munkir nahin Thahre

KHudaya hum ko ab teri gawahi ki zarurat hai

hamein phir se tabahi ki zarurat hai