hamein wo kyun yaad aa rahe hain

duniyā kis kī uñgliyoñ par gardish kar rahī hai

ham nahīñ jānte

ham bas ye jānte haiñ

hamārā vaqt tumhārī uñgliyoñ kī jumbish kā pāband hai

ham ne jab giroh banā.e

surḳh

niilā

piilā

sabz

nāranjī

kāsnī

safed

hameñ tum ne in meñ se kisī giroh meñ nahīñ rakhā

dar-asl tum ne hameñ jaanā hī nahīñ

ham tumhārī zamīn se bāhar the

ek gahrī siyāhī meñ

apnī siyāhī meñ

ham is koshish meñ rahe

ki tumhārī ghūmtī huī zamīn kī kashish meñ dāḳhil ho jaa.eñ

jab ham aisā karne meñ kāmyāb ho ga.e

tab hameñ pata chalā

ki ye sab tumhārī uñgliyoñ kī jumbish kā kamāl hai

aur aaj jab ham

na chāhte hue bhī

tumhāre safed markaz kī samt baḌhe chale jā rahe haiñ

to hameñ apnī siyāhī

aur is meñ rah jaane vaale log

burī tarah yaad kyuuñ aa rahe haiñ!

duniya kis ki ungliyon par gardish kar rahi hai

hum nahin jaante

hum bas ye jaante hain

hamara waqt tumhaari ungliyon ki jumbish ka paband hai

hum ne jab giroh banae

surKH

nila

pila

sabz

naranji

kasni

safed

hamein tum ne in mein se kisi giroh mein nahin rakha

dar-asl tum ne hamein jaana hi nahin

hum tumhaari zamin se bahar the

ek gahri siyahi mein

apni siyahi mein

hum is koshish mein rahe

ki tumhaari ghumti hui zamin ki kashish mein daKHil ho jaen

jab hum aisa karne mein kaamyab ho gae

tab hamein pata chala

ki ye sab tumhaari ungliyon ki jumbish ka kamal hai

aur aaj jab hum

na chahte hue bhi

tumhaare safed markaz ki samt baDhe chale ja rahe hain

to hamein apni siyahi

aur is mein rah jaane wale log

buri tarah yaad kyun aa rahe hain!