harf-e-dua ho jae

ḳhvāhishoñ ke ghane bargad ke tale jo kaT jaa.e

zindagī ḳhvāb-gah-e-nik.hat-e-gesū to nahīñ

naġhma-e-ārzū sāñsoñ meñ ghulā jaatā hai

hasrateñ kāvish-e-insāñ kī jibillat to nahīñ

phir bujhā sā hai nigāhoñ meñ charāġh-e-saharī

rah ga.e ḳhvāb adhūre mirī palkoñ ke tale

apne hī ḳhuuñ meñ rañgī vasl kī betāb ghaḌī

zaḳhm-dar-zaḳhm ka.ī vaqt ke ḳhanjar TuuTe

ek ehsās hī ab zinda-o-pā.inda hai

ḳhvāhishoñ ke ghane bargad ke tale ziist kaTe

mausam-e-kaif ḳhush-anjām kī ummīd liye

nīm-tābāñ ye nazar harf-e-duā ho jaa.e

KHwahishon ke ghane bargad ke tale jo kaT jae

zindagi KHwab-gah-e-nikhat-e-gesu to nahin

naghma-e-arzu sanson mein ghula jata hai

hasraten kawish-e-insan ki jibillat to nahin

phir bujha sa hai nigahon mein charagh-e-sahari

rah gae KHwab adhure meri palkon ke tale

apne hi KHun mein rangi wasl ki betab ghaDi

zaKHm-dar-zaKHm kai waqt ke KHanjar TuTe

ek ehsas hi ab zinda-o-painda hai

KHwahishon ke ghane bargad ke tale zist kaTe

mausam-e-kaif KHush-anjam ki ummid liye

nim-taban ye nazar harf-e-dua ho jae