harf ek jangal

kitābeñ merā jañgal haiñ

jinheñ maiñ kaaT kar ab bārahvīñ ziine par baiThā huuñ

muāfī ke hayūloñ meñ chamaktī sūratoñ se duur tanhā

harf ke sadmāt sahtā huuñ

ki maiñ ḳhud āgahī ke bhārī sāñsoñ kā samundar huuñ

jise namkīn paanī kī sazā ābādiyoñ se

bādbān kī taraf kaafī duur rakhtī hai

kitābeñ merā jañgal haiñ

jahāñ par nafratoñ kī tez dhaḌkan

bartarī kī chīḳhtī āvāz kī dastak nahīñ

jo sub.h ko merī ragoñ meñ bāvle-pan ke

chamakte shoḳh sūraj ko jagā.e

maiñ phaTī āñkhoñ se jalte raaz ko saḌkoñ pe uryāñ milūñ

kitābeñ merā īñdhan haiñ

maiñ kitāboñ meñ sulagtī aag huuñ

jaltā huā kāġhaz

dhueñ meñ phailtī tasvīr huuñ

maiñ in kitāboñ kā irāda huuñ

jise tahrīr kī ḳhvāhish dimāġhoñ meñ hirāsāñ hai

hirāsāñ haiñ

kitābeñ merī āñkheñ haiñ

magar maiñ to vo khultā band hotā chīḳhtā dar huuñ

jo kabhī se kahkashāñ kā muntazir hai

kitaben mera jangal hain

jinhen main kaT kar ab barahwin zine par baiTha hun

muafi ke hayulon mein chamakti suraton se dur tanha

harf ke sadmat sahta hun

ki main KHud aagahi ke bhaari sanson ka samundar hun

jise namkin pani ki saza aabaadiyon se

baadban ki taraf kafi dur rakhti hai

kitaben mera jangal hain

jahan par nafraton ki tez dhaDkan

bartari ki chiKHti aawaz ki dastak nahin

jo subh ko meri ragon mein bawle-pan ke

chamakte shoKH suraj ko jagae

main phaTi aankhon se jalte raaz ko saDkon pe uryan milun

kitaben mera indhan hain

main kitabon mein sulagti aag hun

jalta hua kaghaz

dhuen mein phailti taswir hun

main in kitabon ka irada hun

jise tahrir ki KHwahish dimaghon mein hirasan hai

hirasan hain

kitaben meri aankhen hain

magar main to wo khulta band hota chiKHta dar hun

jo kabhi se kahkashan ka muntazir hai