hawalat

phūloñ vaale baaġh meñ baiTh kar

ek baḌā sā piñjra dekhā

jis meñ kuchh insān bhare the

piilī rañgat

vahshī āñkheñ

bikhre bāloñ vaale insāñ

chhoTe se is tañg pinjre meñ

kuchh baiThe the kuchh leTe the

lekin sab kuchh soch rahe the

shāyad apnī apnī sazā.eñ

yā phir apne apne jarā.em

yā un logoñ ke baare meñ

jo pinjre se bāhar baiThe

āzādī par nāzāñ the

phulon wale bagh mein baiTh kar

ek baDa sa pinjra dekha

jis mein kuchh insan bhare the

pili rangat

wahshi aankhen

bikhre baalon wale insan

chhoTe se is tang pinjre mein

kuchh baiThe the kuchh leTe the

lekin sab kuchh soch rahe the

shayad apni apni sazaen

ya phir apne apne jaraem

ya un logon ke bare mein

jo pinjre se bahar baiThe

aazadi par nazan the