hazrat amir KHusraw ki nazm ka taKHliqi tarjuma

maiñ ne jab pūchhā ki raushan chāñd se baḌh kar hai kyā

naaz se bolā vo but chehra mirā chehra mirā

maiñ ne pūchhā kis kī koyal se bhī mīThī hai navā

us ne da.ave se kahā merā galā merā galā

maiñ ne pūchhā pyaar karne vāloñ kā sheva hai kyā

chīḳh kar us ne kahā pās-e-vafā pās-e-vafā

maiñ ne pūchhā mujh pe kyoñ karte ho yuuñ jaur-o-jafā

hañs ke bolā vo sanam merī razā merī razā

maiñ ne pūchhā maut se baḌh kar bhalā hai kyā balā

jhaT se bolā mujh se mere yaar kā honā judā

maiñ ne pūchhā zindagī ke dard kī kyā hai davā

us ne shoḳhī se kahā jalva mirā jalvā mirā

maiñ ne pūchhā huur ho jannat kī yā koī parī

vo sanam kahne lagā maiñ huuñ butoñ kā bādshāh

zikr ḳhusrau nā-tavāñ kā jab kiyā kahne lagā

vo to kartā hai mujhe sajda sadā sajda sadā

main ne jab puchha ki raushan chand se baDh kar hai kya

naz se bola wo but chehra mera chehra mera

main ne puchha kis ki koyal se bhi miThi hai nawa

us ne dawe se kaha mera gala mera gala

main ne puchha pyar karne walon ka shewa hai kya

chiKH kar us ne kaha pas-e-wafa pas-e-wafa

main ne puchha mujh pe kyon karte ho yun jaur-o-jafa

hans ke bola wo sanam meri raza meri raza

main ne puchha maut se baDh kar bhala hai kya bala

jhaT se bola mujh se mere yar ka hona juda

main ne puchha zindagi ke dard ki kya hai dawa

us ne shoKHi se kaha jalwa mera jalwa mera

main ne puchha hur ho jannat ki ya koi pari

wo sanam kahne laga main hun buton ka baadshah

zikr KHusrau na-tawan ka jab kiya kahne laga

wo to karta hai mujhe sajda sada sajda sada