hermaphrodite

us ko shak thā

ḳhudā ne do aadhe jism amūdan joḌ ke

us ko tāmīr kiyā hai

jis meñ ik hissa apnā aur ek parāyā hai

vo aadhe aadhe do jismoñ kā hāsil hai

vo aksar raat ke kaale chehre se Dar jaatā

to apnī hī god meñ chhup kar rone lagtā

ḳhud se bāteñ kartā

dīvāroñ se sar Takrātā

apnī takmīl kī ḳhātir

donoñ aadhe jismoñ ko

bistar par tanhā chhoḌ ke

apne aslī hisse kī talāsh meñ kho jaatā

lekin ḳhālī hāthoñ ko jab

dozaḳh kī jānib laTkā.e vāpas aatā

apnī hī gardan meñ baazū Daale

ḳhud se lipaT kar so jaatā

us ko shak tha

KHuda ne do aadhe jism amudan joD ke

us ko tamir kiya hai

jis mein ek hissa apna aur ek paraya hai

wo aadhe aadhe do jismon ka hasil hai

wo aksar raat ke kale chehre se Dar jata

to apni hi god mein chhup kar rone lagta

KHud se baaten karta

diwaron se sar Takraata

apni takmil ki KHatir

donon aadhe jismon ko

bistar par tanha chhoD ke

apne asli hisse ki talash mein kho jata

lekin KHali hathon ko jab

dozaKH ki jaanib laTkae wapas aata

apni hi gardan mein bazu Dale

KHud se lipaT kar so jata