himala

ajiib bezār shaḳhs hai vo

use aqīdat aziyyatoñ āzmā.ishoñ se

vo sar pe duniyā kā bojh Daale

rivāyatoñ ke liye havāle

tamām himmat-ba-kaf diyānat

kuaañ nayā roz khodtā hai

phir us meñ girtā hai

gir ke ḳhud ko nikālne kī muhim meñ din-rāt kāTtā hai

use mohabbat hai zaat kī gahrī khā.iyoñ se

kamāl hairat hai us ne ḳhud se kabhī na pūchhā

ye bojh kaisā uThā rakhā hai

hai is aziyyat meñ maslahat kyā

qadam qadam ḳhār-dār raste

ye dasht-o-dariyā ye kohsāroñ ke silsile se

ye chhoTī chhoTī rukāvaTeñ ek phuul had tak

ye lamhe lamhe kī muskurāhaT ke muntazir log haspatāloñ meñ

merī āñkhoñ se kyuuñ chhupe haiñ

ye mere ḳhvāboñ se duur kyuuñ haiñ

sile hue un ke hoñT kyuuñ haiñ

kamāl hairat hai us ne ḳhud se kabhī na pūchhā

koī sadā sarfarosh jazba

koī nidā kyuuñ nahīñ bulātī

ai dām-e-kulfat ke be-riyā dā.imī sitam-kash

maiñ muntazir huuñ

kabhī mujhe bhī tū aazmā le

ajib bezar shaKHs hai wo

use aqidat aziyyaton aazmaishon se

wo sar pe duniya ka bojh Dale

riwayaton ke liye hawale

tamam himmat-ba-kaf diyanat

kuan naya roz khodta hai

phir us mein girta hai

gir ke KHud ko nikalne ki muhim mein din-raat kaTta hai

use mohabbat hai zat ki gahri khaiyon se

kamal hairat hai us ne KHud se kabhi na puchha

ye bojh kaisa uTha rakha hai

hai is aziyyat mein maslahat kya

qadam qadam KHar-dar raste

ye dasht-o-dariya ye kohsaron ke silsile se

ye chhoTi chhoTi rukawaTen ek phul had tak

ye lamhe lamhe ki muskurahaT ke muntazir log haspatalon mein

meri aankhon se kyun chhupe hain

ye mere KHwabon se dur kyun hain

sile hue un ke honT kyun hain

kamal hairat hai us ne KHud se kabhi na puchha

koi sada sarfarosh jazba

koi nida kyun nahin bulati

ai dam-e-kulfat ke be-riya daimi sitam-kash

main muntazir hun

kabhi mujhe bhi tu aazma le