hujum

ye hujūm-sūrat āsmān-e-siyāh mere aqab meñ hai

maiñ baḌe buland shajar kā phal baḌe fāsle kā shikār

ġhamza-e-rāz-dār

kahā gayā ki zamīn ik kaf jo pahāḌ mauj-e-nasīm gesū-e-ḳhalvatī

so zamīn sāya-e-tīrgī kī misāl mere aqab meñ hai

mujhe niiñd se jo uThā ke jur.a-e-āb de

jo pas-e-ġhubār chahār-samt se aa ke merā halāk ho

jo dam shaguft-e-gul-shafaq merī kuhniyoñ se qarīb ho

vo hujūm-e-ḳhalvatiyān-e-ḳhās mere aqab meñ hai

maiñ samā.atoñ kā shikār thā

tū samā.atoñ kā sahāb sūrat-e-āb mere aqab meñ hai

koī rāste meñ nahīñ milā

koī barg-o-bār-o-gul-o-shajar

koī nān-o-lahm-e-guzishtgāñ

koī aañkh niiñd ḳhayāl ḳhvāb abr shitāb nahīñ milā

koī ḳhvāb-zāda nahīñ milā

sar-e-ḳhud-nehāda nahīñ milā

sar-e-ḳhud-nehada ba-kaf ye meñ ki zamīn ik kaf-e-jū

pahāḌ mauj-e-nasīm gesū-e-ḳhalvatī

sar-e-ḳhud-nehāda ba-kaf ye maiñ ki hujūm-e-mār-e-siyāh mere aqab meñ hai

maiñ baḌe buland shajar kā phal

baḌe fāsle kā shikār ġhamza-e-rāz-dār

ye hujum-surat aasman-e-siyah mere aqab mein hai

main baDe buland shajar ka phal baDe fasle ka shikar

ghamza-e-raaz-dar

kaha gaya ki zamin ek kaf jo pahaD mauj-e-nasim gesu-e-KHalwati

so zamin saya-e-tirgi ki misal mere aqab mein hai

mujhe nind se jo uTha ke jura-e-ab de

jo pas-e-ghubar chahaar-samt se aa ke mera halak ho

jo dam shaguft-e-gul-shafaq meri kuhniyon se qarib ho

wo hujum-e-KHalwatiyan-e-KHas mere aqab mein hai

main samaaton ka shikar tha

tu samaaton ka sahab surat-e-ab mere aqab mein hai

koi raste mein nahin mila

koi barg-o-bar-o-gul-o-shajar

koi nan-o-lahm-e-guzishtgan

koi aankh nind KHayal KHwab abr shitab nahin mila

koi KHwab-zada nahin mila

sar-e-KHud-nehada nahin mila

sar-e-KHud-nehada ba-kaf ye mein ki zamin ek kaf-e-ju

pahaD mauj-e-nasim gesu-e-KHalwati

sar-e-KHud-nehada ba-kaf ye main ki hujum-e-mar-e-siyah mere aqab mein hai

main baDe buland shajar ka phal

baDe fasle ka shikar ghamza-e-raaz-dar