husul kal aur ek manzar

vo sāl-ḳhūrda chaTTāneñ

jo āsmāñ ko chhūte hue

bagūloñ kī zad meñ sābit rahī haiñ

ab reg-zār meñ muntaqil huī haiñ

huā ke nāzuk ḳhafīf jhoñke pe mushta.il haiñ

uḌī jo gard tā qadam bhī

to abr ban ke falak pe chhā.ī

magar jo sūraj ne aañkh mal ke use kuredā

to ḳhaak ho kar vahīñ girī hai

huā ke raftār kab rukī hai

bahāo dariyā kā mustaqil hai

ḳhafīf ḳhunkī hai salb hai shab meñ

zamīñ mehvar pe ghūmtī hai

abhī bhī rahm zamīn meñ

Thos aur sayyāl daulatoñ kī

kamī nahīñ hai

har ek shai hai

har ek shai hai

vo vaqt lekin

vo vaqt phailā huā thā

kohsāroñ ābshāroñ

sulagte sahrāoñ

gahre phaile samundaroñ meñ

ab ūñchī imāratoñ

qahva ḳhānoñ bāroñ

phisaltī caroñ chamaktī saḌkoñ

ghaḌī ke mahdūd hindisoñ meñ

simaT gayā hai

vo jis kī uñglī se chāñd shaq ho

vo jis ke zaḳhmī dahan se

dushman kī fauj par

rahmatoñ kī ThanDī phuvār barse

vo jis kī muTThī meñ

vo jahāñ kī tamām daulat

tamām sarvat simaT ga.ī ho

vo apne ḳhālī shikam meñ patthar kā bojh bāñdhe

kahāñ haiñ is ke ġhulām

āḳhir kahāñ haiñ is ke

vo nisf baaqī bhī mil chukā thā

ye nisf hāsil bhī chhin chukā hai

husūl kal sahal hī thā lekin

vo ek manzar

phisaltī caroñ chamaktī saḌkoñ kī hāv-hū meñ

vo ek manzar

ġhulām naaqa nashīn ho aur

nakel aaqā ke haath meñ ho

kahāñ se aa.e

wo sal-KHurda chaTTanen

jo aasman ko chhute hue

bagulon ki zad mein sabit rahi hain

ab reg-zar mein muntaqil hui hain

hua ke nazuk KHafif jhonke pe mushtail hain

uDi jo gard ta qadam bhi

to abr ban ke falak pe chhai

magar jo suraj ne aankh mal ke use kureda

to KHak ho kar wahin giri hai

hua ke raftar kab ruki hai

bahao dariya ka mustaqil hai

KHafif KHunki hai salb hai shab mein

zamin mehwar pe ghumti hai

abhi bhi rahm zamin mein

Thos aur sayyal daulaton ki

kami nahin hai

har ek shai hai

har ek shai hai

wo waqt lekin

wo waqt phaila hua tha

kohsaron aabshaaron

sulagte sahraon

gahre phaile samundaron mein

ab unchi imaraton

qahwa KHanon baron

phisalti caron chamakti saDkon

ghaDi ke mahdud hindison mein

simaT gaya hai

wo jis ki ungli se chand shaq ho

wo jis ke zaKHmi dahan se

dushman ki fauj par

rahmaton ki ThanDi phuwar barse

wo jis ki muTThi mein

wo jahan ki tamam daulat

tamam sarwat simaT gai ho

wo apne KHali shikam mein patthar ka bojh bandhe

kahan hain is ke ghulam

aaKHir kahan hain is ke

wo nisf baqi bhi mil chuka tha

ye nisf hasil bhi chhin chuka hai

husul kal sahal hi tha lekin

wo ek manzar

phisalti caron chamakti saDkon ki haw-hu mein

wo ek manzar

ghulam naqa nashin ho aur

nakel aaqa ke hath mein ho

kahan se aae