iblagh: baghair lafzon ke ek nazm

ek be-chehra ḳhvāb

ek be-nām ḳhushbū meñ lipTā huā

ek ḳhushbū ki jis ne koī rang pahnā na ho

ek ḳhāmosh lai

ek lai mere kānoñ meñ ras gholtī

apnī uryāniyoñ meñ lapeTā huā ek sur

ek sur jis kī buntar meñ āvāz kī gāñTh aa.ī na ho

jis ke shaffāf tan par kisī lafz kā koī gahnā na ho

lafz se māvarā

ek naġhma kisī ne jo gaayā na ho

jis meñ barte hue ek bhī harf kā koī saaya na ho

jo kisī saañs meñ bhī samāyā na ho

ye bahut ho

hameñ aur kuchh us se kahnā na ho

ek be-chehra KHwab

ek be-nam KHushbu mein lipTa hua

ek KHushbu ki jis ne koi rang pahna na ho

ek KHamosh lai

ek lai mere kanon mein ras gholti

apni uryaniyon mein lapeTa hua ek sur

ek sur jis ki buntar mein aawaz ki ganTh aai na ho

jis ke shaffaf tan par kisi lafz ka koi gahna na ho

lafz se mawara

ek naghma kisi ne jo gaya na ho

jis mein barte hue ek bhi harf ka koi saya na ho

jo kisi sans mein bhi samaya na ho

ye bahut ho

hamein aur kuchh us se kahna na ho