ightisab (rape)

shaiḳh farmāte haiñ

Dārvin jhūTā thā

insān kab bandar thā

insān to aisā kabhī bhī nahīñ thā

shaiḳh farmāte haiñ

laTaknā jhapaTnā kabhī muñh chiḌhānā

ye aadat hamārī bhī kabhī nahīñ thī

mirī ādatoñ meñ ye sab nahīñ the

kitābeñ to kahtī haiñ ham bandar nahīñ the

maazī ke jab bhī jharoke se dekho

tārīḳh ke jab bhī aurāq palTo

apne hī ghar meñ zarā pīchhe jā kar

mohalloñ kī galiyoñ meñ kuchh der ruk kar

jo shahroñ va mulkoñ kī sarhad pe jaao

zarā der ruk kar kabhī soch lo to

ḳhud apne se sharminda hote rahoge

akele meñ ḳhud se ye kahte rahoge

laTaknā jhapaTnā kabhī muñh chiḌhānā

insāñ kī aadat purānī rahī hai

agar shaiḳh kuchh kah rahe haiñ to kah leñ

māsūmoñ par ham jhapaTte raheñge

sharīfoñ ko ham muñh chiḌhāte raheñge

ham zālim haiñ zulmat baḌhāte raheñge

agar shaiḳh kuchh kah rahe haiñ to kah leñ

ham Dārvin ko sach sābit kar ke raheñge

shaiKH farmate hain

Darwin jhuTa tha

insan kab bandar tha

insan to aisa kabhi bhi nahin tha

shaiKH farmate hain

laTakna jhapaTna kabhi munh chiDhana

ye aadat hamari bhi kabhi nahin thi

meri aadaton mein ye sab nahin the

kitaben to kahti hain hum bandar nahin the

mazi ke jab bhi jharoke se dekho

tariKH ke jab bhi auraq palTo

apne hi ghar mein zara pichhe ja kar

mohallon ki galiyon mein kuchh der ruk kar

jo shahron wa mulkon ki sarhad pe jao

zara der ruk kar kabhi soch lo to

KHud apne se sharminda hote rahoge

akele mein KHud se ye kahte rahoge

laTakna jhapaTna kabhi munh chiDhana

insan ki aadat purani rahi hai

agar shaiKH kuchh kah rahe hain to kah len

masumon par hum jhapaTte rahenge

sharifon ko hum munh chiDhate rahenge

hum zalim hain zulmat baDhate rahenge

agar shaiKH kuchh kah rahe hain to kah len

hum Darwin ko sach sabit kar ke rahenge