ilham

jaise palkoñ pe utartā huā ik ḳhvāb-e-hasīñ

ik machaltā huā hoñToñ pe ho misra' jaise

ik ġhazal sūrat-e-ilhām utartī jaa.e

jaise paanī meñ utartā huā ik

chāñd kā 'aks

ik musavvir kā banāyā huā shahkār-e-hasīñ

yā samundar meñ utartā huā sūraj ho kahīñ

yā gulāboñ kī bikhartī ho fazā meñ ḳhushbū

lamha-e-shukr meñ nikle hoñ ḳhushī ke aañsū

magar in sab se kahīñ baḌh ke

hasīñ ek ḳhayāl

dil pe utrā hai to ehsās meñ

shiddat jaagī

zindagī le ke ka.ī rang suḳhan-zār huī

qāfiya le ke ġhazal dil pe numūdār huī

is se baḌh kar bhalā duniyā meñ

hasīñ kyā hogā

'ishq jab sūrat-e-ilhām utartā

jaa.e

jaise palkon pe utarta hua ek KHwab-e-hasin

ek machalta hua honTon pe ho misra' jaise

ek ghazal surat-e-ilham utarti jae

jaise pani mein utarta hua ek

chand ka 'aks

ek musawwir ka banaya hua shahkar-e-hasin

ya samundar mein utarta hua suraj ho kahin

ya gulabon ki bikharti ho faza mein KHushbu

lamha-e-shukr mein nikle hon KHushi ke aansu

magar in sab se kahin baDh ke

hasin ek KHayal

dil pe utra hai to ehsas mein

shiddat jagi

zindagi le ke kai rang suKHan-zar hui

qafiya le ke ghazal dil pe numudar hui

is se baDh kar bhala duniya mein

hasin kya hoga

'ishq jab surat-e-ilham utarta

jae