ilm

jahālat kī tārīkiyoñ ko miTāyā

haqīqat ke jalvoñ kā dariyā bahāyā

dimāġhoñ pe ḳhush-kaifiyāñ ban ke chhāyā

nigāhoñ meñ bedāriyāñ ban ke aaya

tafakkur ko mānūs-e-irfāñ banāyā

ta.aqqul meñ fānūs-e-īmāñ jalāyā

tajassus kī bā-rangiyoñ par rijhāyā

taraddud kī be-rangiyoñ se chhuḌāyā

masā.ib meñ rote huoñ ko hañsāyā

marātib meñ sote huoñ ko jagāyā

jahāñ pastiyoñ kī taraf qalb aaya

vahīñ pastiyoñ se ubharnā sikhāyā

jahāñ aas TuuTī qadam Dagmagāyā

vahīñ haath thāmā sahārā dilāyā

mohabbat se aapas meñ rahnā sikhāyā

hamesha na miTne kā sheva batāyā

taraqqī kī rāhoñ meñ aage baḌhāyā

tamaddun kī duniyā meñ yaktā banāyā

nasheb-o-farāz-e-zamāna batāyā

chaleñ jis taraf kī havā.eñ chalāyā

'sahar' ilm ne ham ko insāñ banāyā

nahīñ ko ġharaz ilm ne haañ banāyā

jahaalat ki tarikiyon ko miTaya

haqiqat ke jalwon ka dariya bahaya

dimaghon pe KHush-kaifiyan ban ke chhaya

nigahon mein bedariyan ban ke aaya

tafakkur ko manus-e-irfan banaya

taqqul mein fanus-e-iman jalaya

tajassus ki ba-rangiyon par rijhaya

taraddud ki be-rangiyon se chhuDaya

masaib mein rote huon ko hansaya

maraatib mein sote huon ko jagaya

jahan pastiyon ki taraf qalb aaya

wahin pastiyon se ubharna sikhaya

jahan aas TuTi qadam Dagmagaya

wahin hath thama sahaara dilaya

mohabbat se aapas mein rahna sikhaya

hamesha na miTne ka shewa bataya

taraqqi ki rahon mein aage baDhaya

tamaddun ki duniya mein yakta banaya

nasheb-o-faraaz-e-zamana bataya

chalen jis taraf ki hawaen chalaya

'sahar' ilm ne hum ko insan banaya

nahin ko gharaz ilm ne han banaya