insan

zarra-e-tārīk mehr-e-zau-fishāñ hone ko hai

qatra-e-nāchīz bahr-e-bekarāñ hone ko hai

juzv kul karte haiñ apnī quvvateñ nazr-e-bashar

banda-e-majbūr muḳhtār-e-jahāñ hone ko hai

ye zamīñ thiiñ zillat-e-āfāq jis kī pastiyāñ

rif.atoñ meñ rū-kash-e-haft-āsmāñ hone ko hai

nusḳha-e-ījād-e-ālam pā na le insāñ kahīñ

āshkāra fitrat-e-kaun-o-makāñ hone ko hai

barq-o-ātish se huā barbād jis kā ḳhānumāñ

ab vo āgāh-e-naved-e-bazm-e-jāñ hone ko hai

maut ke sāmāñ kī paiham justujū jis ko rahī

rāz-e-hastī us kī mahfil meñ ayaañ hone ko hai

ibn-e-ādam ya.anī ye parvarda-e-jaur-e-falak

shāyad ab is par mashiyyat mehrbāñ hone ko hai

bebas aur bechāra thā gahvāra-e-taqdīr meñ

lekin ab ye kaudak-e-nādāñ javāñ hone ko hai

zarra-e-tārīk mehr-e-zau-fishāñ hone ko hai

qatra-e-nāchīz bahr-e-be-karāñ hone ko hai

zarra-e-tarik mehr-e-zau-fishan hone ko hai

qatra-e-nachiz bahr-e-bekaran hone ko hai

juzw kul karte hain apni quwwaten nazr-e-bashar

banda-e-majbur muKHtar-e-jahan hone ko hai

ye zamin thin zillat-e-afaq jis ki pastiyan

rifaton mein ru-kash-e-haft-asman hone ko hai

nusKHa-e-ijad-e-alam pa na le insan kahin

aashkara fitrat-e-kaun-o-makan hone ko hai

barq-o-atish se hua barbaad jis ka KHanuman

ab wo aagah-e-nawed-e-bazm-e-jaan hone ko hai

maut ke saman ki paiham justuju jis ko rahi

raaz-e-hasti us ki mahfil mein ayan hone ko hai

ibn-e-adam yani ye parwarda-e-jaur-e-falak

shayad ab is par mashiyyat mehrban hone ko hai

bebas aur bechaara tha gahwara-e-taqdir mein

lekin ab ye kaudak-e-nadan jawan hone ko hai

zarra-e-tarik mehr-e-zau-fishan hone ko hai

qatra-e-nachiz bahr-e-be-karan hone ko hai