intizar

ye tārīk shab jo kā.enāt par pasar ga.ī hai

kab se jaane ye munjamid thī dinoñ ke biich

roz karte the sub.h-o-shām bhī tavāf jis kā

qatra-qatra jo terī āñkhoñ ke ā.īne meñ

merī āñkhoñ ke dā.ere meñ pighal rahī hai

ye ek mo'jiza hai apne aap meñ

is ek raat kī qindīl dekho

chalī hī aatī hai azal se ye bhī

jale musalsal ye jā rahī hai

ek zamāna guzar chukā hai

yā ke is se bhī ziyāda shāyad

magar raat ye nā-tamām hai

jaise is ko bhī merī tarah

ka.ī sadiyoñ ke intizār kī sazā milī hai

ye tarik shab jo kaenat par pasar gai hai

kab se jaane ye munjamid thi dinon ke bich

roz karte the subh-o-sham bhi tawaf jis ka

qatra-qatra jo teri aankhon ke aaine mein

meri aankhon ke daere mein pighal rahi hai

ye ek mo'jiza hai apne aap mein

is ek raat ki qindil dekho

chali hi aati hai azal se ye bhi

jale musalsal ye ja rahi hai

ek zamana guzar chuka hai

ya ke is se bhi ziyaada shayad

magar raat ye na-tamam hai

jaise is ko bhi meri tarah

kai sadiyon ke intizar ki saza mili hai