is se baDa dukh kya hoga

is se pahle

jitnī ii.deñ guzrī haiñ

har iid se pahle

mere bachche

apnī narm rupahlī bāñheñ

merī gardan meñ jab Daal ke kahte the

ham eidī lene aa.e haiñ

vo ḳhushiyoñ se labrez munavvar ghaḌiyāñ

kitnī achchhī lagtī thiiñ jab

baḌī baḌī raqmoñ ko vo Thukrāte the

aur baḌe baḌe tohfoñ par bhī vo

apne muñh laTkāte the

vo mujh se ruuTh ke

apnī ammī ke pahlū meñ jaate the

vo un kī chamkīlī chāhat

vo un ke ruuTh ke jaane kī

be-dard sī hasrat

jab bhī karvaT letī hai

dil ḳhuun ke aañsū rotā hai

aur ab ke hisār zindāñ meñ

yuuñ iid hamārī guzrī hai

vo jhagḌā karne vaale

ruuTh ke jaane vaale bachche

mujh ko jail meñ eidī dene aa.e haiñ

is se pahle

jitni iden guzri hain

har id se pahle

mere bachche

apni narm rupahli banhen

meri gardan mein jab Dal ke kahte the

hum eidi lene aae hain

wo KHushiyon se labrez munawwar ghaDiyan

kitni achchhi lagti thin jab

baDi baDi raqmon ko wo Thukraate the

aur baDe baDe tohfon par bhi wo

apne munh laTkate the

wo mujh se ruTh ke

apni ammi ke pahlu mein jate the

wo un ki chamkili chahat

wo un ke ruTh ke jaane ki

be-dard si hasrat

jab bhi karwaT leti hai

dil KHun ke aansu rota hai

aur ab ke hisar zindan mein

yun id hamari guzri hai

wo jhagDa karne wale

ruTh ke jaane wale bachche

mujh ko jail mein eidi dene aae hain