aaKHiri KHabar

vo jo apne pichhvāḌe ik berī thī

saarī do-pahrī laḌke us ke gird ikaTThā rahte the

aur patthar maarā karte the

itne patthar

itne patthar

sab āñgan bhar jaatā thā

berī zaḳhmī ho jaatī thī

shāḳheñ lahūluhān karāhtī rahtī thiiñ

patthar mārne vaale laḌkoñ meñ tum aage hote the

aur do-pahreñ

ek zarā achchhī kaT jaayā kartī thiiñ

ye to ḳhair

bhūlī-bisrī bāteñ thiiñ

kal vo berī ammāñ ne kaTvā dī hai

mujh ko to kuchh itnā ziyāda ġham bhī nahīñ

maiñ bhī apne aap se kaT kar

āḳhir zinda huuñ ki nahīñ

wo jo apne pichhwaDe ek beri thi

sari do-pahri laDke us ke gird ikaTTha rahte the

aur patthar mara karte the

itne patthar

itne patthar

sab aangan bhar jata tha

beri zaKHmi ho jati thi

shaKHen lahuluhan karahti rahti thin

patthar marne wale laDkon mein tum aage hote the

aur do-pahren

ek zara achchhi kaT jaya karti thin

ye to KHair

bhuli-bisri baaten thin

kal wo beri amman ne kaTwa di hai

mujh ko to kuchh itna ziyaada gham bhi nahin

main bhi apne aap se kaT kar

aaKHir zinda hun ki nahin