ittifaq

tum ittifāq se phir yaad aa ga.e mujh ko

ye ittifāq magar kis qadar hasīñ niklā

tumhārī yaad ne baḳhshī hai raushnī jis ko

tumhārā aks usī dil meñ jāguzīñ niklā

is ittifāq pe qurbān kyoñ na ho jaa.eñ

tumhārī dīd-e-mukarrar kā aasrā Thahrā

vo aarzū jo tumheñ dekh kar panaptī hai

is ittifāq se is kā bhī silsila Thahrā

ye raaz kyā hai ki dil ke qarīb ho kar bhī

nazar-navāz tumhārā jamāl ho na sakā

junūñ naqāb-kushā.ī kahīñ kare to kare

kabhī ḳhirad se to hal ye savāl ho na sakā

nazar uThe to gire us pe parda-e-hairat

nazar uThā ke tamāshā bane tamāshā.ī

jo ittifāq se tum sāmne kabhī aao

nazar ko luuT ke le jaa.e jalva-ārā.ī

tum ittifaq se phir yaad aa gae mujh ko

ye ittifaq magar kis qadar hasin nikla

tumhaari yaad ne baKHshi hai raushni jis ko

tumhaara aks usi dil mein jaguzin nikla

is ittifaq pe qurban kyon na ho jaen

tumhaari did-e-mukarrar ka aasra Thahra

wo aarzu jo tumhein dekh kar panapti hai

is ittifaq se is ka bhi silsila Thahra

ye raaz kya hai ki dil ke qarib ho kar bhi

nazar-nawaz tumhaara jamal ho na saka

junun naqab-kushai kahin kare to kare

kabhi KHirad se to hal ye sawal ho na saka

nazar uThe to gire us pe parda-e-hairat

nazar uTha ke tamasha bane tamashai

jo ittifaq se tum samne kabhi aao

nazar ko luT ke le jae jalwa-arai