jadugari
karishmoñ kī bāteñ
karāmāt kā zikr
jādūgarī ke fasāne
kabhī dāstānoñ meñ ham ne paḌhe the
sunā thā
koī jādūgar
jāgte paanī meñ
aag ke sau jazīre banātā
sharāroñ se
phūloñ kī qismeñ ugātā
kabhī
ujḌī manhūs sī bastiyoñ ko
vo gulzār kar ke
unheñ pariyoñ aur apsarāoñ se ābād kartā
kabhī
shahr ke shahr
bastī kī bastī ko
ik pal meñ sahrā banātā
kabhī chāñd sūraj ko
muTThī meñ vo qaid kartā
kabhī
apnī ḳhālī hathelī pe sau chāñd sūraj jagātā
sunā thā
koī jādūgar
daraḳhtoñ kī shāḳhoñ ko
zahrīle sāñpoñ meñ tabdīl kartā
kabhī
āsmāñ ke parindoñ kī parvāz ko rok letā
kabhī
un ke par kaaT kar
un ko phir se uḌātā
karishmoñ
karāmāt-o-jādūgarī ke ye saare fasāne
kabhī dāstānoñ meñ ham ne paḌhe the
haqā.eq ke is daur meñ
garche
jādūgarī ke ye saare fasāne
faqat ek tafrīh haiñ
aql kī raushnī se bahut duur haiñ
log dekheñge lekin
kisī roz bāzār meñ chalte chalte
maiñ
patthar meñ tabdīl ho jā.ūñgā
karishmon ki baaten
karamat ka zikr
jadugari ke fasane
kabhi dastanon mein hum ne paDhe the
suna tha
koi jadugar
jagte pani mein
aag ke sau jazire banata
shararon se
phulon ki qismen ugata
kabhi
ujDi manhus si bastiyon ko
wo gulzar kar ke
unhen pariyon aur apsaraon se aabaad karta
kabhi
shahr ke shahr
basti ki basti ko
ek pal mein sahra banata
kabhi chand suraj ko
muTThi mein wo qaid karta
kabhi
apni KHali hatheli pe sau chand suraj jagata
suna tha
koi jadugar
daraKHton ki shaKHon ko
zahrile sanpon mein tabdil karta
kabhi
aasman ke parindon ki parwaz ko rok leta
kabhi
un ke par kaT kar
un ko phir se uData
karishmon
karamat-o-jadugari ke ye sare fasane
kabhi dastanon mein hum ne paDhe the
haqaeq ke is daur mein
garche
jadugari ke ye sare fasane
faqat ek tafrih hain
aql ki raushni se bahut dur hain
log dekhenge lekin
kisi roz bazar mein chalte chalte
main
patthar mein tabdil ho jaunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.