jagte raho

tūfān tham chukā hai magar jāgte raho

kis vaqt kī hai kis ko ḳhabar jāgte raho

ai taaj ke ḳhudāo ajantā ke ḳhāliqo

changez phir chalā hai idhar jāgte raho

sho.ale bujhā ke ham-safaro mutma.in na ho

poshīda raakh meñ hai sharar jāgte raho

har zarra-e-chaman meñ hai la.al-o-gohar kā rang

luTne na paa.eñ la.al-o-gohar jāgte raho

ab raat ḳhud hai apnī siyāhī se be-qarār

āvāz de rahī hai sahar jāgte raho

ab raushnī meñ bhī hai añdhere kā makr-o-fan

kyā e'tibār-e-shām-o-sahar jāgte raho

tufan tham chuka hai magar jagte raho

kis waqt ki hai kis ko KHabar jagte raho

ai taj ke KHudao ajanta ke KHaliqo

changez phir chala hai idhar jagte raho

shoale bujha ke ham-safaro mutmain na ho

poshida rakh mein hai sharar jagte raho

har zarra-e-chaman mein hai lal-o-gohar ka rang

luTne na paen lal-o-gohar jagte raho

ab raat KHud hai apni siyahi se be-qarar

aawaz de rahi hai sahar jagte raho

ab raushni mein bhi hai andhere ka makr-o-fan

kya e'tibar-e-sham-o-sahar jagte raho