jab kabhi bhi fursat ho

jab kabhī bhī fursat ho

mai-kade meñ aa jaao

ham yahāñ farishtoñ ko

aadmī banāte haiñ

mausam-e-bahārāñ ho

yā fasl-e-abr-o-bārāñ ho

dhuup chilchilātī ho

yā havā ho barfīlī

saath ham-safar le kar

shoḳh ho yā sharmīlī

jab kabhī bhī fursat ho

mai-kade meñ aa jaao

ham yahāñ farishtoñ ko

aadmī banāte haiñ

bhuul kar bhī vo bastī

jis jagah siyāsat ho

bhuul kar bhī vo nagrī

jis jagah jahālat ho

laakh tum ko deñ dāvat

bhuul kar bhī mat jaanā

haañ agar mile fursat

mai-kade meñ aa jaanā

ham yahāñ farishtoñ ko

aadmī banāte haiñ

siikh aql kī bāteñ

chhoḌ sab ḳhurāfāteñ

jhuuT aur nafrat se

kab talak guzar hogī

baat sab se kar sīdhī

pyaar aur mohabbat kī

jab ḳhushī mile us se

jashn hī manāne ko

mai-kade meñ aa jaanā

ham yahāñ farishtoñ ko

aadmī banāte haiñ

zehn gar pareshāñ ho

niiñd gar nahīñ aatī

husn aur javānī bhī

gar tujhe nahīñ bhātī

gar nashe kī aadat hai

aur vo nahīñ jaatī

sun to ġhaur se bhaa.ī

kyoñ banā hai balvā.ī

gar tujhe shikāyat hai

bevafā zamāne se

ġham ġhalat hī karne ko

mai-kade meñ aa jaao

ham yahāñ farishtoñ ko

aadmī banāte haiñ

jab kabhi bhi fursat ho

mai-kade mein aa jao

hum yahan farishton ko

aadmi banate hain

mausam-e-bahaaran ho

ya fasl-e-abr-o-baran ho

dhup chilchilati ho

ya hawa ho barfili

sath ham-safar le kar

shoKH ho ya sharmili

jab kabhi bhi fursat ho

mai-kade mein aa jao

hum yahan farishton ko

aadmi banate hain

bhul kar bhi wo basti

jis jagah siyasat ho

bhul kar bhi wo nagri

jis jagah jahaalat ho

lakh tum ko den dawat

bhul kar bhi mat jaana

han agar mile fursat

mai-kade mein aa jaana

hum yahan farishton ko

aadmi banate hain

sikh aql ki baaten

chhoD sab KHurafaten

jhuT aur nafrat se

kab talak guzar hogi

baat sab se kar sidhi

pyar aur mohabbat ki

jab KHushi mile us se

jashn hi manane ko

mai-kade mein aa jaana

hum yahan farishton ko

aadmi banate hain

zehn gar pareshan ho

nind gar nahin aati

husn aur jawani bhi

gar tujhe nahin bhati

gar nashe ki aadat hai

aur wo nahin jati

sun to ghaur se bhai

kyon bana hai balwai

gar tujhe shikayat hai

bewafa zamane se

gham ghalat hi karne ko

mai-kade mein aa jao

hum yahan farishton ko

aadmi banate hain