jahan hum log rahte hain

jahāñ ham log rahte haiñ

vahāñ achchhe-bhale likhe-paḌhe hī log baste haiñ

imārat-e-ilm aur daulat kī azmat husn ko do-bālā kartī hai

tabassum muskurāhaT hi-hello aur ba-zāhir ḳhush-dilī kī bārish hotī hai

ki jis tezī se yaañ fashion badaltā hai

ġhurūr-e-husn aur

zehn-o-dil kī sāḳht bhī tabdīl hotī hai

rizālat buzdilī aur asbiyat ko yaañ

umda kapḌoñ achchhe chehroñ meñ chhupāte haiñ

magar jab gaañv jaate haiñ

vahāñ ke kachche ghar khetoñ meñ bāġhoñ meñ zarā ārām karte haiñ

uchhalte-kūdte bachchoñ ko āzādī se mard-o-zan ko hañste-bolte jab dekh aate haiñ

ki har ġham aur ḳhushī achchhe bure hālāt meñ vo sachche dil se saath rahte haiñ

na apne zāhir-o-bātin meñ koī bhed rakhte haiñ

jo nafrat hai to nafrat hai mohabbat dil se karte haiñ

ki man meñ jo bhī hotā hai zabāñ se saaf kahte haiñ

magar phir lauT kar jab shahr aate haiñ

amīroñ ālimoñ aur afsaroñ ke beach rahte haiñ

to ye mahsūs hotā hai

ki ham bīmār haiñ lāchār haiñ tanhā aur qallāsh haiñ

jahāñ ham log rahte haiñ

vahāñ saare hī aise log baste haiñ

jahan hum log rahte hain

wahan achchhe-bhale likhe-paDhe hi log baste hain

imarat-e-ilm aur daulat ki azmat husn ko do-baala karti hai

tabassum muskurahaT hi-hello aur ba-zahir KHush-dili ki barish hoti hai

ki jis tezi se yan fashion badalta hai

ghurur-e-husn aur

zehn-o-dil ki saKHt bhi tabdil hoti hai

rizalat buzdili aur asbiyat ko yan

umda kapDon achchhe chehron mein chhupate hain

magar jab ganw jate hain

wahan ke kachche ghar kheton mein baghon mein zara aaram karte hain

uchhalte-kudte bachchon ko aazadi se mard-o-zan ko hanste-bolte jab dekh aate hain

ki har gham aur KHushi achchhe bure haalat mein wo sachche dil se sath rahte hain

na apne zahir-o-baatin mein koi bhed rakhte hain

jo nafrat hai to nafrat hai mohabbat dil se karte hain

ki man mein jo bhi hota hai zaban se saf kahte hain

magar phir lauT kar jab shahr aate hain

amiron aalimon aur afsaron ke beach rahte hain

to ye mahsus hota hai

ki hum bimar hain lachaar hain tanha aur qallash hain

jahan hum log rahte hain

wahan sare hi aise log baste hain