jashn-e-tanhai

sunā hai

phir aaj

rat-jagā hai

ki aa ga.ī hai

phir ek lamha meñ jīne-marne kī

sadiyoñ par muhīt saa.at

vo

ḳhvāb ke jāgte nagar meñ

ravish ravish

chāñdnī bichhā.e

añdhere kamre ke

sab darīchoñ meñ

intizār kī mish.aleñ jalā.e

vo niiñd se duur

an-ginat be-shumār rāteñ

salīb ehsās kī uThā.e

vo an-kahī an-sunī

kahānī ke saare kirdār haath phailā.e

alaav ke gird

phir khaḌe haiñ

qatār bāñdhe

ishāra milne ke muntazir haiñ

ki

ḳhvāb kī sar-zamīn

kab qatl-gāh hogī

ye ek lamha meñ jīne-marne kī

sadiyoñ par muhīt saa.at

na jaane ab kis kī bheñT legī

ki koī zī-rūh

ḳhvāhishoñ ke ujaaḌ jañgal meñ

ab nahīñ hai

suna hai

phir aaj

rat-jaga hai

ki aa gai hai

phir ek lamha mein jine-marne ki

sadiyon par muhit saat

wo

KHwab ke jagte nagar mein

rawish rawish

chandni bichhae

andhere kamre ke

sab darichon mein

intizar ki mishalen jalae

wo nind se dur

an-ginat be-shumar raaten

salib ehsas ki uThae

wo an-kahi an-suni

kahani ke sare kirdar hath phailae

alaw ke gird

phir khaDe hain

qatar bandhe

ishaara milne ke muntazir hain

ki

KHwab ki sar-zamin

kab qatl-gah hogi

ye ek lamha mein jine-marne ki

sadiyon par muhit saat

na jaane ab kis ki bhenT legi

ki koi zi-ruh

KHwahishon ke ujaD jangal mein

ab nahin hai