jawahar-lal uniwersity ke talaba ke liye

hameñ ek din ḳhatm karnā paḌegā

hamāre diloñ meñ jo kuchh fāsla hai

hameñ dhuup meñ ḳhuub chalnā paḌegā

mohabbat kā bas ek hī rāsta hai

ham insān haiñ aur insāñ raheñge

jo haivān haiñ ek din tañg aa kar

chale jā.eñge apne jañgal meñ vāpas

jahāñ vo raheñge vahīñ laḌ mareñge

jo baaqī bacheñge vo shahroñ meñ aa kar

gharoñ ko jalāne kī koshish kareñge

javānoñ ko khāne kī koshish kareñge

vo college se jaatī huī laḌkiyoñ ko

añdhere meñ laane kī koshish kareñge

ham insān haiñ aur insāñ kī izzat

hamesha bachāne kī koshish kareñge

hameñ koī ashlok aatā nahīñ hai

suvāmī kā tirshūl bhātā nahīñ hai

hamārī kavītā, hamārī kathā hai

hamārī kitābeñ hamārā jathā hai

agar koī dīmak hamārā asāsa

miTāne kī aashā liye aa rahī hai

vo ye jaan le ki hamāre diloñ meñ

mohabbat kī lau jagmagāne lagī hai

hameñ apne sīnoñ kī sīḌhī banā ke

kisī raat ambar pe jaanā paḌegā

diye kī jagah phuul rakhne paḌeñge

parindoñ ke hamrāh gaanā paḌegā

hamein ek din KHatm karna paDega

hamare dilon mein jo kuchh fasla hai

hamein dhup mein KHub chalna paDega

mohabbat ka bas ek hi rasta hai

hum insan hain aur insan rahenge

jo haiwan hain ek din tang aa kar

chale jaenge apne jangal mein wapas

jahan wo rahenge wahin laD marenge

jo baqi bachenge wo shahron mein aa kar

gharon ko jalane ki koshish karenge

jawanon ko khane ki koshish karenge

wo college se jati hui laDkiyon ko

andhere mein lane ki koshish karenge

hum insan hain aur insan ki izzat

hamesha bachane ki koshish karenge

hamein koi ashlok aata nahin hai

suwami ka tirshul bhata nahin hai

hamari kawita, hamari katha hai

hamari kitaben hamara jatha hai

agar koi dimak hamara asasa

miTane ki aasha liye aa rahi hai

wo ye jaan le ki hamare dilon mein

mohabbat ki lau jagmagane lagi hai

hamein apne sinon ki siDhi bana ke

kisi raat ambar pe jaana paDega

diye ki jagah phul rakhne paDenge

parindon ke hamrah gana paDega