jin raaton mein nind na aae

jin rātoñ meñ niiñd na aa.e

terā jāgne vaalā āḳhir

kin bātoñ se jī bahlā.e

kitne achchhe log the vo bhī

aisī judā.ī kī ghaḌiyoñ meñ

taare ginte rahte the

jo ik jhūThe vā'de par bhī

jaane kaise khulā rakhte the

apne ghar kā darvāza

sub.h talak aane vaale kī

rāheñ dekhā karte the

apne dil kī tanhā.ī ko

chand adhūre sapnoñ se hī

vo ābād kiye rakhte the

un ke birhā ke gītoñ meñ

jhilmil aañsū ke parde meñ

mīThe paanī kā chashma bhī

dhīre dhīre bahtā thā

tere ik jaane par lekin

merā ye kyā haal huā hai

apne aap se maiñ rūThā huuñ

merā dil ḳhud mujh se ḳhafā hai

mere kaan bhī merī bāteñ

mujh se aaj nahīñ sunte haiñ

ghar meñ itnī tārīkī hai

āñkheñ saath nahīñ detī haiñ

saare rauzan saare darīche

sab darvāze band paḌe haiñ

jin raaton mein nind na aae

tera jagne wala aaKHir

kin baaton se ji bahlae

kitne achchhe log the wo bhi

aisi judai ki ghaDiyon mein

tare ginte rahte the

jo ek jhuThe wa'de par bhi

jaane kaise khula rakhte the

apne ghar ka darwaza

subh talak aane wale ki

rahen dekha karte the

apne dil ki tanhai ko

chand adhure sapnon se hi

wo aabaad kiye rakhte the

un ke birha ke giton mein

jhilmil aansu ke parde mein

miThe pani ka chashma bhi

dhire dhire bahta tha

tere ek jaane par lekin

mera ye kya haal hua hai

apne aap se main ruTha hun

mera dil KHud mujh se KHafa hai

mere kan bhi meri baaten

mujh se aaj nahin sunte hain

ghar mein itni tariki hai

aankhen sath nahin deti hain

sare rauzan sare dariche

sab darwaze band paDe hain