justification

ye sach hai māh-rū

sach hai

vo maktūb-e-mohabbat

kal jo mere naam se tum ko milā

maiñ ne hī likkhā thā

ki jab betābī-e-dil had se baḌh jaa.e

aur iz.hār-e-tamannā rū-ba-rū karne meñ mushkil ho

to aisī koī laġhzish ho hī jaatī hai

bahut majbūr thā maiñ dil ke hāthoñ

jis samay kuchh soche-samjhe bin

tumhāre naam maiñ ne naama likh bhejā

ka.ī ik aisī bāteñ thiiñ

ki jin par ġhaur lāzim thā

ka.ī ḳhadshāt aise the

kahīñ ye ḳhat tumhārī aur mirī rusvā.ī kā baa.is na ban jaa.e

kahīñ aisā na ho ye ḳhat tumhārī tab-e-nāzuk par girāñ guzre

kahīñ aisā na ho tum mere lafzoñ ko hañsī jaano

kahīñ aisā na ho tum ḳhat ko khole bin hī nazr-e-ḳhāk-dāñ kar do

magar phir bhī tumheñ ḳhat bhejne se peshtar

maiñ ne na kuchh sochā na kuchh samjhā

mujhe ehsās hai jānāñ

ki laġhzish ho ga.ī mujh se

mirī tum se guzārish hai

ye laġhzish darguzar kar do

ki chāhat meñ kabhī ai jaan

aisī koī laġhzish ho hī jaatī hai

ye sach hai mah-ru

sach hai

wo maktub-e-mohabbat

kal jo mere nam se tum ko mila

main ne hi likkha tha

ki jab betabi-e-dil had se baDh jae

aur izhaar-e-tamanna ru-ba-ru karne mein mushkil ho

to aisi koi laghzish ho hi jati hai

bahut majbur tha main dil ke hathon

jis samay kuchh soche-samjhe bin

tumhaare nam main ne nama likh bheja

kai ek aisi baaten thin

ki jin par ghaur lazim tha

kai KHadshat aise the

kahin ye KHat tumhaari aur meri ruswai ka bais na ban jae

kahin aisa na ho ye KHat tumhaari tab-e-nazuk par giran guzre

kahin aisa na ho tum mere lafzon ko hansi jaano

kahin aisa na ho tum KHat ko khole bin hi nazr-e-KHak-dan kar do

magar phir bhi tumhein KHat bhejne se peshtar

main ne na kuchh socha na kuchh samjha

mujhe ehsas hai jaanan

ki laghzish ho gai mujh se

meri tum se guzarish hai

ye laghzish darguzar kar do

ki chahat mein kabhi ai jaan

aisi koi laghzish ho hi jati hai