kabhi dekha nahin tumko

kabhī dekhā nahīñ tum ko

hamesha se faqat āvāz ban kar merī āñkhoñ meñ utartī ho

guzartī ho mire dil se

magar is phone se ho kar guzartī ho

kabhī dekhā nahīñ tum ko

chalo ye farz kar lo

jaise tum ko dekhtā hai koī

aur vo kaise dekhtā hai

aaj ye mujh ko batāo tum

un āñkhoñ se mujhe ḳhud ko dikhāo tum

maiñ dekhūñgā ki vo āñkheñ

tumhāre jism meñ kaise nahātī haiñ

maiñ dekhūñgā ki vo āñkheñ

tumhārī be-karānī ko bhalā kaise samātī haiñ

maiñ dekhūñgā ki vo āñkheñ

tumhāre jism ke har joḌ se

kis tarh juḌtī haiñ

Dhalānoñ par phisaltī haiñ vo kaise

phir sañbhaltī haiñ vo kyūñkar

aur moḌ aate haiñ to kis tarh muḌtī haiñ

un āñkhoñ kī zabānī dāstāñ apnī sunāo tum

mujhe ḳhud ko dikhāo tum

ki tum ko dekhne kī aarzū ne

in āñkhoñ kā garebāñ chaak kar Daalā

vo sil jaa.e

mujhe ārām mil jaa.e

kabhi dekha nahin tum ko

hamesha se faqat aawaz ban kar meri aankhon mein utarti ho

guzarti ho mere dil se

magar is phone se ho kar guzarti ho

kabhi dekha nahin tum ko

chalo ye farz kar lo

jaise tum ko dekhta hai koi

aur wo kaise dekhta hai

aaj ye mujh ko batao tum

un aankhon se mujhe KHud ko dikhao tum

main dekhunga ki wo aankhen

tumhaare jism mein kaise nahati hain

main dekhunga ki wo aankhen

tumhaari be-karani ko bhala kaise samati hain

main dekhunga ki wo aankhen

tumhaare jism ke har joD se

kis tarh juDti hain

Dhalanon par phisalti hain wo kaise

phir sanbhalti hain wo kyunkar

aur moD aate hain to kis tarh muDti hain

un aankhon ki zabani dastan apni sunao tum

mujhe KHud ko dikhao tum

ki tum ko dekhne ki aarzu ne

in aankhon ka gareban chaak kar Dala

wo sil jae

mujhe aaram mil jae