kabutar aur kawwe ki hui laDai

duur kahīñ dariyā ke kināre

rahte the do dost pyāre

ek thā kavvā ek kabūtar

khāte piite the vo mil kar

ik din un kī shāmat aa.ī

donoñ meñ huī ḳhuub laḌā.ī

pahle apne muñh ko kholā

phir ġhusse se kabūtar bolā

kavve hote haiñ kanjūs

kaale bhadde aur manhūs

kāñ-kāñ shor machāte haiñ

saarā din sar khāte haiñ

shor se maiñ to Dartā huuñ

aur bas gūñ-gūñ kartā huuñ

mujh ko apne husn pe naaz

ūñchī hai merī parvāz

kaale ho kalūTe ho

tum to bhaiñs ke kaTTe ho

baat ye sun kar kavvā bolā

tū ne merī zaat ko tolā

le ab merī baarī hai

jāntī duniyā saarī hai

tū buzdil hai aur Darpok

baat kahūñgā maiñ do-Tūk

jab koī billī aatī hai

jaañ terī tab jaatī hai

kāñptā hai tharrātā hai

Dar kar hī mar jaatā hai

logoñ kā ye kahnā hai

kavvā bahut syānā hai

itne meñ ik lomaḌ aaya

peḌ ke nīche aa kar bolā

laḌte ho kuchh sharm karo

lahje apne narm karo

allāh allāh kiyā karo

us kā naam hī liyā karo

maiñ tum ko samjhātā huuñ

phir se dost banātā huuñ

jaldī se tum nīche aao

aa kar mujh se haath milāo

donoñ peḌ se nīche aa.e

laḌne se par baaz na aa.e

maut thī un ke sar par aa.ī

lomaḌ ne ik jast lagā.ī

gardan se donoñ ko pakḌā

aur apne panjoñ meñ jakḌā

dāvat us ne ḳhuub uḌaa.ī

apne peT kī aag bujhā.ī

baarī baarī un ko khāyā

donoñ ko ik sabaq sikhāyā

laḌnā bachcho kaam burā hai

laḌne kā anjām burā hai

dur kahin dariya ke kinare

rahte the do dost pyare

ek tha kawwa ek kabutar

khate pite the wo mil kar

ek din un ki shamat aai

donon mein hui KHub laDai

pahle apne munh ko khola

phir ghusse se kabutar bola

kawwe hote hain kanjus

kale bhadde aur manhus

kan-kan shor machate hain

sara din sar khate hain

shor se main to Darta hun

aur bas gun-gun karta hun

mujh ko apne husn pe naz

unchi hai meri parwaz

kale ho kaluTe ho

tum to bhains ke kaTTe ho

baat ye sun kar kawwa bola

tu ne meri zat ko tola

le ab meri bari hai

jaanti duniya sari hai

tu buzdil hai aur Darpok

baat kahunga main do-Tuk

jab koi billi aati hai

jaan teri tab jati hai

kanpta hai tharraata hai

Dar kar hi mar jata hai

logon ka ye kahna hai

kawwa bahut syana hai

itne mein ek lomaD aaya

peD ke niche aa kar bola

laDte ho kuchh sharm karo

lahje apne narm karo

allah allah kiya karo

us ka nam hi liya karo

main tum ko samjhata hun

phir se dost banata hun

jaldi se tum niche aao

aa kar mujh se hath milao

donon peD se niche aae

laDne se par baz na aae

maut thi un ke sar par aai

lomaD ne ek jast lagai

gardan se donon ko pakDa

aur apne panjon mein jakDa

dawat us ne KHub uDai

apne peT ki aag bujhai

bari bari un ko khaya

donon ko ek sabaq sikhaya

laDna bachcho kaam bura hai

laDne ka anjam bura hai