kachchi inTon ke pul

har patthar meñ chhupī huī ik maut hai jo soch rahī hai

sūraj ke ā.īne meñ jo shakl bhī hai

vo andhī kaalī

dīvāroñ se chipkī haiñ TuuTī parchhā.īñ

kachchī īñToñ ke pul bante haiñ din meñ

rātoñ meñ paanī par chalte haiñ sab log

saare parbat

sāgar pī kar aa.e haiñ

tum baunoñ kī bastī meñ bhī chhoTe ho

apne saa.e se Dar kar kahtī haiñ fasleñ

saañp ugaao

jitne bhī meñDak haiñ un ko bāhar bhejo

apnī apnī qabr se uTh kar

rātoñ meñ kyoñ

katbe log miTā dete haiñ

saare kāġhaz par

kitnī hī tasvīreñ haiñ

raat pighalte sūraj kā muñh dekh rahī hai

ab so jaao

har patthar mein chhupi hui ek maut hai jo soch rahi hai

suraj ke aaine mein jo shakl bhi hai

wo andhi kali

diwaron se chipki hain TuTi parchhain

kachchi inTon ke pul bante hain din mein

raaton mein pani par chalte hain sab log

sare parbat

sagar pi kar aae hain

tum baunon ki basti mein bhi chhoTe ho

apne sae se Dar kar kahti hain faslen

sanp ugao

jitne bhi meinDak hain un ko bahar bhejo

apni apni qabr se uTh kar

raaton mein kyon

katbe log miTa dete hain

sare kaghaz par

kitni hi taswiren hain

raat pighalte suraj ka munh dekh rahi hai

ab so jao