kahani sunao

kahānī sunāo kahānī sunāo

kahānī na.ī yā purānī sunāo

kahānī purānī vo rājāoñ vaalī

vahī shān-o-shaukat shahanshāhoñ vaalī

vo hāthī vo ghoḌe vo mahle do-mahle

tasavvur se jin kī zarā dil to bahle

vo zarrīn ghaḌiyāñ vo cham-cham zamāne

thā sone kī chiḌiyā ye bhārat hamārā

bulandī pe thā is kī qismat kā taarā

ye sab kuchh hameñ aaj naanī sunāo

kahānī sunāo kahānī sunāo

kahānī na.ī yā purānī sunāo

sunāo ki jab thā ḳhizāoñ kā mausam

jab apne vatan hī meñ majbūr the ham

ġhulāmī kā thā daur hindostāñ meñ

dahakte alaav the jannat-nishāñ meñ

hukūmat thī ġhairoñ kī mahkūm ham the

zamīñ tang thī āsmānī sitam the

chalī phir jo badlāo kī tez āñdhī

uThā ek nehru uThā ek gāñdhī

milī un ko jo kāmrānī sunāo

kahānī sunāo kahānī sunāo

kahānī na.ī yā purānī sunāo

kahānī anokhī kahānī nirālī

kahānī na.e atomī daur vaalī

sitāroñ kā insāñ kā tasḳhīr karnā

ḳhalāoñ ko dhartī kī jāgīr karnā

sunāo taraqqī ne kyā kyā dikhāyā

batāo jo qadmoñ tale chāñd aayā

karishme jo science ke jalva-gar haiñ

hamāre tumhāre jo zer-e-asar haiñ

haqīqat ye sab muñh-zabānī sunāo

kahānī sunāo kahānī sunāo

kahānī na.ī yā purānī sunāo

kahani sunao kahani sunao

kahani nai ya purani sunao

kahani purani wo rajaon wali

wahi shan-o-shaukat shahanshahon wali

wo hathi wo ghoDe wo mahle do-mahle

tasawwur se jin ki zara dil to bahle

wo zarrin ghaDiyan wo cham-cham zamane

tha sone ki chiDiya ye bhaarat hamara

bulandi pe tha is ki qismat ka tara

ye sab kuchh hamein aaj nani sunao

kahani sunao kahani sunao

kahani nai ya purani sunao

sunao ki jab tha KHizaon ka mausam

jab apne watan hi mein majbur the hum

ghulami ka tha daur hindostan mein

dahakte alaw the jannat-nishan mein

hukumat thi ghairon ki mahkum hum the

zamin tang thi aasmani sitam the

chali phir jo badlao ki tez aandhi

uTha ek nehru uTha ek gandhi

mili un ko jo kaamrani sunao

kahani sunao kahani sunao

kahani nai ya purani sunao

kahani anokhi kahani nirali

kahani nae atomi daur wali

sitaron ka insan ka tasKHir karna

KHalaon ko dharti ki jagir karna

sunao taraqqi ne kya kya dikhaya

batao jo qadmon tale chand aaya

karishme jo science ke jalwa-gar hain

hamare tumhaare jo zer-e-asar hain

haqiqat ye sab munh-zabani sunao

kahani sunao kahani sunao

kahani nai ya purani sunao