kahaaran

ik kahāran jā rahī thī haath meñ gāgar liye

zer-e-lab kuchh gungunātī kuchh nazar nīchī kiye

mast thī us kī adā.eñ ḳhuub thā us kā shabāb

āñkheñ nargis zulf sumbul āriz-e-rangīñ gulāb

aa ke panghaT par kisī se guftugū karne lagī

Daal kar rassī ko paanī khīñch kar bharne lagī

naaz se gāgar kamar par rakh ke ghar ko jab chalī

ik sadā aa.ī kahāñ jaatī hai ai nannhī kalī

sun ke ye āvāz fauran josh us ko aa gayā

ālam-e-husn-o-adā is qahr se tharrā gayā

kuchh siyāhī chhā rahī thī kuchh ujālā thā abhī

ye samāñ dekhā na thā merī nigāhoñ ne kabhī

ek kahaaran ja rahi thi hath mein gagar liye

zer-e-lab kuchh gungunati kuchh nazar nichi kiye

mast thi us ki adaen KHub tha us ka shabab

aankhen nargis zulf sumbul aariz-e-rangin gulab

aa ke panghaT par kisi se guftugu karne lagi

Dal kar rassi ko pani khinch kar bharne lagi

naz se gagar kamar par rakh ke ghar ko jab chali

ek sada aai kahan jati hai ai nannhi kali

sun ke ye aawaz fauran josh us ko aa gaya

aalam-e-husn-o-ada is qahr se tharra gaya

kuchh siyahi chha rahi thi kuchh ujala tha abhi

ye saman dekha na tha meri nigahon ne kabhi