kahin se tum mujhe aawaz deti ho

ġhubār-e-shām ke be-aks manzar meñ havā kī saa.eñ saa.eñ

panchhiyoñ ko hāñktī hai

duur charvāhe kī bansī meñ milan-ras kā surīlā zā.iqa hai,

raat raste meñ

kahāñ se tum mujhe āvāz detī ho!

musalsal āhaTeñ merī samā.at hī na le jaa.eñ

bachā rakkhe hue aañsū kī bīnā.ī Tapaktī hai

inhīñ lafzoñ kī lau meñ raat kaTtī hai jinheñ āñkhoñ ne tasvīr

shab-e-va.ada kī sangīnī rivāyat hai

mire imroz ke chūlhe meñ bhī ab tak vahī īñdhan

bhaḌaktā hai

agar āvāz-e-rivāyat huuñ

agar āvāz detī ho

to aao sub.h ke sāhil ko chalte haiñ

lahū meñ kasmasāte qahqahe hoñToñ tak aane do

mujhe bhī muskurāne do

ghubar-e-sham ke be-aks manzar mein hawa ki saen saen

panchhiyon ko hankti hai

dur charwahe ki bansi mein milan-ras ka surila zaiqa hai,

raat raste mein

kahan se tum mujhe aawaz deti ho!

musalsal aahaTen meri samaat hi na le jaen

bacha rakkhe hue aansu ki binai Tapakti hai

inhin lafzon ki lau mein raat kaTti hai jinhen aankhon ne taswir

shab-e-wada ki sangini riwayat hai

mere imroz ke chulhe mein bhi ab tak wahi indhan

bhaDakta hai

agar aawaz-e-riwayat hun

agar aawaz deti ho

to aao subh ke sahil ko chalte hain

lahu mein kasmasate qahqahe honTon tak aane do

mujhe bhi muskurane do