kahne wala hun

mohabbat kī zamīñ hai ye yahīñ kā rahne vaalā huuñ

jise maiñ pyaar kartā huuñ use meñ kahne vaalā huuñ

vo ḳhvāboñ se nikal kar yuuñ mirī bāñhoñ meñ aa jaa.e

mirī āñkhoñ meñ jhāñke aur mire dil meñ samā jaa.e

maiñ us ke pyaar ke sāgar meñ āḳhir bahne vaalā huuñ

jise maiñ pyaar kartā huuñ use maiñ kahne vaalā huuñ

mohabbat vo diyā hai jo bujhā.e bhī nahīñ bujhtā

ye ik aisā ḳhazāna hai ghaTāne se nahīñ ghaTtā

maiñ ik jām-e-mohabbat us ke hāthoñ piine vaalā huuñ

jise maiñ pyaar kartā huuñ use maiñ kahne vaalā huuñ

mohabbat do diloñ kī dhaḌkanoñ kā ek hai sangam

mohabbat ghaav detī hai mohabbat aap hī marham

hamesha saath rahne kā maiñ vā'da lene vaalā huuñ

jise maiñ pyaar kartā huuñ use maiñ kahne vaalā huuñ

mohabbat karne vaale nafratoñ se duur rahte haiñ

sadā masrūr rahte haiñ sadā maḳhmūr rahte haiñ

maiñ us ke saath apnī zindagī ko jiine vaalā huuñ

jise maiñ pyaar kartā huuñ use maiñ kahne vaalā huuñ

vo mujh se ruuTh jā.egī to maiñ us ko manā lūñgā

maiñ qisse aur latīfe bhī sunā kar phir hañsā lūñgā

maiñ us kī chaah meñ naḳhre bhī aksar sahne vaalā huuñ

jise maiñ pyaar kartā huuñ use maiñ kahne vaalā huuñ

mohabbat ki zamin hai ye yahin ka rahne wala hun

jise main pyar karta hun use mein kahne wala hun

wo KHwabon se nikal kar yun meri banhon mein aa jae

meri aankhon mein jhanke aur mere dil mein sama jae

main us ke pyar ke sagar mein aaKHir bahne wala hun

jise main pyar karta hun use main kahne wala hun

mohabbat wo diya hai jo bujhae bhi nahin bujhta

ye ek aisa KHazana hai ghaTane se nahin ghaTta

main ek jam-e-mohabbat us ke hathon pine wala hun

jise main pyar karta hun use main kahne wala hun

mohabbat do dilon ki dhaDkanon ka ek hai sangam

mohabbat ghaw deti hai mohabbat aap hi marham

hamesha sath rahne ka main wa'da lene wala hun

jise main pyar karta hun use main kahne wala hun

mohabbat karne wale nafraton se dur rahte hain

sada masrur rahte hain sada maKHmur rahte hain

main us ke sath apni zindagi ko jine wala hun

jise main pyar karta hun use main kahne wala hun

wo mujh se ruTh jaegi to main us ko mana lunga

main qisse aur latife bhi suna kar phir hansa lunga

main us ki chah mein naKHre bhi aksar sahne wala hun

jise main pyar karta hun use main kahne wala hun