kamre se bahar ka KHauf

mere kamre meñ

khiḌkī kā parda haTā kar darinda koī ghus rahā hai

kivāḌoñ meñ key-hole se aañkh ifrīt kī jhāñk kar dekhtī hai

qarīñ ventilator ke chamgādaḌeñ jhūltī haiñ

kitāboñ ke Table se chimTā huā saañp phan kāḌhtā hai

vahāñ hanger se laTaktā hai bichchhū

lapaktā huā chaḌh gayā carnas par koī kekḌā hai

vo T v ke pīchhe se hotī hai jo sarsarāhaT kisī cockroach kī nahīñ hai

udhar lamp kī oT se ghūrtī chhipkalī kar rahī hai ishāre

masahrī se lag kar karīh aur bad-shakl makḌā khaḌā hai

lihāf aur bistar meñ takiye ke nīche sarakte hue kankhajuroñ kā dil nāchtā hai

mirī aañkh meñ reñgtī sā.atoñ se laraztī hai dīvār

calendar bhayānak ḳhamoshī meñ par phaḌphaḌātā hai

khā kar havāoñ ke thappaḌ baḌe zor se chīḳhtā hai nikal jaao

lekin

mujhe ye pata hai

ki kamre se bāhar agar maiñ nikal kar gayā to

ye sach hai ki patthar kā ho jā.ūñgā

mere kamre mein

khiDki ka parda haTa kar darinda koi ghus raha hai

kiwaDon mein key-hole se aankh ifrit ki jhank kar dekhti hai

qarin wentilator ke chamgadaDen jhulti hain

kitabon ke Table se chimTa hua sanp phan kaDhta hai

wahan hanger se laTakta hai bichchhu

lapakta hua chaDh gaya carnas par koi kekDa hai

wo T w ke pichhe se hoti hai jo sarsarahaT kisi cockroach ki nahin hai

udhar lamp ki oT se ghurti chhipkali kar rahi hai ishaare

masahri se lag kar karih aur bad-shakl makDa khaDa hai

lihaf aur bistar mein takiye ke niche sarakte hue kankhajuron ka dil nachta hai

meri aankh mein rengti saaton se larazti hai diwar

calendar bhayanak KHamoshi mein par phaDphaData hai

kha kar hawaon ke thappaD baDe zor se chiKHta hai nikal jao

lekin

mujhe ye pata hai

ki kamre se bahar agar main nikal kar gaya to

ye sach hai ki patthar ka ho jaunga