kangal

tumheñ bhī ma.alūm hai mujhe bhī

ki paas mere to kuchh nahīñ hai

jo zar-parastī ke is jahāñ meñ

mujhe bhī kuchh mo'atabar banā de

na qīmtī hai libās merā

na māl-o-daulat zar-o-javāhar

ki jin meñ tum ko sharīk kar luuñ

mirī to daulat ajiib sī hai

mirī matā-e-jahāñ meñ tum ko

bahut sī rusvā.iyāñ mileñgī

vafā ke aañsū gumāñ kī ḳhushiyāñ

junūñ kī dānā.iyāñ mileñgī

miThās meñ talḳhiyāñ mileñgī

qalam kī sachchā.iyāñ mileñgī

ḳhulūs-e-jazbāt kī lagan kī

athāh gahrā.iyāñ mileñgī

mirī to daulat ajiib sī hai

agar kaho to sharīk kar luuñ

tumheñ bhī apnī matā-e-dil meñ

ki paas mere to kuchh nahīñ hai

tumhein bhi malum hai mujhe bhi

ki pas mere to kuchh nahin hai

jo zar-parasti ke is jahan mein

mujhe bhi kuchh mo'atabar bana de

na qimti hai libas mera

na mal-o-daulat zar-o-jawahar

ki jin mein tum ko sharik kar lun

meri to daulat ajib si hai

meri mata-e-jahan mein tum ko

bahut si ruswaiyan milengi

wafa ke aansu guman ki KHushiyan

junun ki danaiyan milengi

miThas mein talKHiyan milengi

qalam ki sachchaiyan milengi

KHulus-e-jazbaat ki lagan ki

athah gahraiyan milengi

meri to daulat ajib si hai

agar kaho to sharik kar lun

tumhein bhi apni mata-e-dil mein

ki pas mere to kuchh nahin hai