kasak

ḳhāmushī TuuT chukī thī

chaḌhtī umr kā nasha

ab bolne lagā thā

soyā nahīñ thā abhī kam-sinī kā alhaḌ-pan

us ke paikar ke ḳhutūt

nafīs tabī.at

narm lahja

boltī āñkheñ

lambe ghane mulā.em baal

us ke kāñdhoñ pe yuuñ bikharte jaise

barastī ghaTā.eñ

fazā meñ apnā jaadū jagāne ko be-qarār hoñ

mere aur us ke

hoñToñ kā gulābī-pan ab nikharne lagā thā

hamārī āñkhoñ kī sargoshiyāñ

log samajhne lage the

vo rihā.ish-gāh jahāñ ham āḳhirī baar mile the

vahāñ aziim imārat khaḌī hai

maiñ ab bhī vahāñ se guzartā huuñ

to yuuñ gumāñ hotā hai jaise

shamīm-e-zulf hai ab tak basī fazāoñ meñ

KHamushi TuT chuki thi

chaDhti umr ka nasha

ab bolne laga tha

soya nahin tha abhi kam-sini ka alhaD-pan

us ke paikar ke KHutut

nafis tabiat

narm lahja

bolti aankhen

lambe ghane mulaem baal

us ke kandhon pe yun bikharte jaise

barasti ghaTaen

faza mein apna jadu jagane ko be-qarar hon

mere aur us ke

honTon ka gulabi-pan ab nikharne laga tha

hamari aankhon ki sargoshiyan

log samajhne lage the

wo rihaish-gah jahan hum aaKHiri bar mile the

wahan azim imarat khaDi hai

main ab bhi wahan se guzarta hun

to yun guman hota hai jaise

shamim-e-zulf hai ab tak basi fazaon mein