kashmakash

har raat jā kar chhat pe

ik aisā sitārā DhūñDhnā

mumkin ho jis kā TūTnā

apnī nazar ke sāmne

kuchh der tak kar āsmāñ ko

thak chukīñ palkeñ girī

jab khulī palkeñ to dekhā

āsmāñ qadmoñ pe thā

vo khaḌe the sāmne

jin kī thī dil ko aarzū

dekhā usī pal gir rahā hai

ek sitārā TuuT kar

ab ye thī uljhan ki ham

dekheñ unheñ yā maañg leñ

the isī uljhan meñ ham

aur sunī aahaT tabhī

chauñk kar palkeñ khulīñ to

dekh kar hairān the

raat ḳhvāboñ meñ guzārī

kashmakash bhī fuzūl thī

har raat kā hai silsila ye

aur na.ī umiid hai

mil jā.eñge ham tum kahīñ

aur TūTegā tab ek sitārā

us hasīñ pal kā rahe gā

tā-umr ham ko intizār

har raat ja kar chhat pe

ek aisa sitara DhunDhna

mumkin ho jis ka TuTna

apni nazar ke samne

kuchh der tak kar aasman ko

thak chukin palken giri

jab khuli palken to dekha

aasman qadmon pe tha

wo khaDe the samne

jin ki thi dil ko aarzu

dekha usi pal gir raha hai

ek sitara TuT kar

ab ye thi uljhan ki hum

dekhen unhen ya mang len

the isi uljhan mein hum

aur suni aahaT tabhi

chaunk kar palken khulin to

dekh kar hairan the

raat KHwabon mein guzari

kashmakash bhi fuzul thi

har raat ka hai silsila ye

aur nai umid hai

mil jaenge hum tum kahin

aur TuTega tab ek sitara

us hasin pal ka rahe ga

ta-umr hum ko intizar