kashti

ham likhne vaale

vo kahānī meñ

jo ḳhizāñ meñ likhī jaatī hai

aur bahār meñ sunā.ī jaatī hai

aur giit haiñ

jo añdhere meñ gaayā jaatā hai

aur raushnī meñ

dohrāyā jaatā hai

ham ek aisī dīvār haiñ

jo kisī rāste meñ nahīñ aatī

aur ek aisā darvāza

jo hamesha dariyā ki taraf khultā hai

aur ek aisī khiḌkī

jo kabhī bāzār kī taraf nahīñ khultī

ham ek aisā daraḳht haiñ

jise aap kaaT to sakte haiñ

magar lagā nahīñ sakte

ham is daraḳht ke

kaaTe jaane kā afsos

ham us daraḳht meñ

phūTne vaalī koñpaloñ

kī ḳhushī

ham is daraḳht kā saaya

aur ham us kī lakḌī se banī huī

ek aisī kashtī haiñ

jis meñ bheḌiye

safar nahīñ kar sakte

hum likhne wale

wo kahani mein

jo KHizan mein likhi jati hai

aur bahaar mein sunai jati hai

aur git hain

jo andhere mein gaya jata hai

aur raushni mein

dohraya jata hai

hum ek aisi diwar hain

jo kisi raste mein nahin aati

aur ek aisa darwaza

jo hamesha dariya ki taraf khulta hai

aur ek aisi khiDki

jo kabhi bazar ki taraf nahin khulti

hum ek aisa daraKHt hain

jise aap kaT to sakte hain

magar laga nahin sakte

hum is daraKHt ke

kaTe jaane ka afsos

hum us daraKHt mein

phuTne wali konpalon

ki KHushi

hum is daraKHt ka saya

aur hum us ki lakDi se bani hui

ek aisi kashti hain

jis mein bheDiye

safar nahin kar sakte