Khaaliq-e-gul-e-tar ki yaad mein

dosto aaj maḳhdūm ham meñ nahīñ

haañ vahī thā jo ik nāmvar rahnumā

jo ġharīboñ kā hamdard thā

aur mehnat-kashoñ se jise pyaar thā

haañ vahī jo pasandīda shā.ir bhī thā

jis kī nazmoñ meñ thā fikr kā bāñkpan

jis kī ġhazleñ taġhazzul se bharpūr thiiñ

jis ko mashriq meñ shohrat milī

jis ko maġhrib meñ izzat milī

jis ko apne vatan meñ mohabbat milī

masjidoñ ne sadā dī jise

mandiroñ ne duā dī jise

mahfil-e-sher thī jis ke dam se javāñ

le rahī thī nayā moḌ urdu zabāñ

yak-ba-yak hashr sā ik bapā ho gayā

aur maḳhdūm ham se judā ho gayā

miT gayā ek daur ik sadī luT ga.ī

aaj maḳhdūm ham meñ nahīñ dosto

ab kahāñ aa.egī baat maḳhdūm kī

hai saverā magar is meñ surḳhī nahīñ

hai gulistāñ magar vo gul-e-tar nahīñ

ab sahārā hai ik yād-e-maḳhdūm kā

aao sab saath mil kar chaleñ dosto

ik chañbelī ke mañDve tale

mai-kade se zarā duur us moḌ par

baiTh kar der tak yād-e-maḳhdūm meñ

āñsūoñ kā manāeñge ik jashn ham

dosto aaj maKHdum hum mein nahin

han wahi tha jo ek namwar rahnuma

jo gharibon ka hamdard tha

aur mehnat-kashon se jise pyar tha

han wahi jo pasandida shair bhi tha

jis ki nazmon mein tha fikr ka bankpan

jis ki ghazlen taghazzul se bharpur thin

jis ko mashriq mein shohrat mili

jis ko maghrib mein izzat mili

jis ko apne watan mein mohabbat mili

masjidon ne sada di jise

mandiron ne dua di jise

mahfil-e-sher thi jis ke dam se jawan

le rahi thi naya moD urdu zaban

yak-ba-yak hashr sa ek bapa ho gaya

aur maKHdum hum se juda ho gaya

miT gaya ek daur ek sadi luT gai

aaj maKHdum hum mein nahin dosto

ab kahan aaegi baat maKHdum ki

hai sawera magar is mein surKHi nahin

hai gulistan magar wo gul-e-tar nahin

ab sahaara hai ek yaad-e-maKHdum ka

aao sab sath mil kar chalen dosto

ek chanbeli ke manDwe tale

mai-kade se zara dur us moD par

baiTh kar der tak yaad-e-maKHdum mein

aansuon ka manaenge ek jashn hum