Khaarji shikast

mujhe aaj phir tum se mil kar baḌī nā-umīdī huī hai

vahī tarz-e-guftār chehre pe gahrī udāsī kā aalam

zamāne kī bedād hālāt kī kaj-adā.ī kā shikva

tag-o-tār taqdīr kī nā-rasā.ī kā mātam

tahī-dāmanī par pashemān hone kī ma.asūm koshish

javāñ ḳhūbsūrat mahakte hue roz-o-shab kā tasavvur

nashāt-āfrīñ mahfiloñ meñ kabhī bāryābī kā darmāñ

gulāboñ kī mānind khilte hue jism chhūne kī ḳhvāhish

mujhe kab se hasrat hai ik shab kabhī tum

mirī mahfil-e-nāz meñ yuuñ bhī aate

mujhe jism-o-jāñ kī sabhī rāhateñ sauñp dene meñ koī

takalluf na hotā

mujhe aaj phir tum se mil kar baDi na-umidi hui hai

wahi tarz-e-guftar chehre pe gahri udasi ka aalam

zamane ki bedad haalat ki kaj-adai ka shikwa

tag-o-tar taqdir ki na-rasai ka matam

tahi-damani par pasheman hone ki masum koshish

jawan KHubsurat mahakte hue roz-o-shab ka tasawwur

nashat-afrin mahfilon mein kabhi baryabi ka darman

gulabon ki manind khilte hue jism chhune ki KHwahish

mujhe kab se hasrat hai ek shab kabhi tum

meri mahfil-e-naz mein yun bhi aate

mujhe jism-o-jaan ki sabhi rahaten saunp dene mein koi

takalluf na hota