KHas paniyon ki aas mein

ḳhuun meñ tumhāre haiñ

kaun se jis meñ kam

surḳh yā safed

sā.atoñ ko ghol kar piyo

ki dhuup tez hai

kal jo nannhī koñpleñ thiiñ

bel ban ke

āsmāñ kā muñh chiḌā rahī haiñ aaj

raushnī se duur

ḳhaas mausamoñ ke pāniyoñ kī aas meñ

band muñh sadaf liye

gard se aTī chhatoñ se apne sar nikāl kar

phailtī hī jā rahī haiñ

aur tum

dā.īñ paslī haath meñ liye hue

bā.īñ paslī DhūñDne

har ik āsmāñ khañgāl aa.e ho

shahāb TuuT kar gireñ ki ḳhvāb dekhtā nahīñ

koī udaas rāstoñ ko dekh kar

rukā nahīñ

zamīñ se āsmāñ kā thā kabhī jo silsila nahīñ

baġhair tesha mar sake koī yahāñ

vo dāstāñ ke shāhzāde haiñ kahāñ

KHun mein tumhaare hain

kaun se jis mein kam

surKH ya safed

saaton ko ghol kar piyo

ki dhup tez hai

kal jo nannhi konplen thin

bel ban ke

aasman ka munh chiDa rahi hain aaj

raushni se dur

KHas mausamon ke paniyon ki aas mein

band munh sadaf liye

gard se aTi chhaton se apne sar nikal kar

phailti hi ja rahi hain

aur tum

dain pasli hath mein liye hue

bain pasli DhunDne

har ek aasman khangal aae ho

shahab TuT kar giren ki KHwab dekhta nahin

koi udas raston ko dekh kar

ruka nahin

zamin se aasman ka tha kabhi jo silsila nahin

baghair tesha mar sake koi yahan

wo dastan ke shahzade hain kahan