KHamoshi dastak naqab

ḳhamoshī

ḳhamoshī

musalsal ḳhamoshī thī dil ke nagar meñ

ḳhamoshī hī taqdīr-e-insāñ ho jaise

ki ik din achānak

dar-e-dil pe dastak huī

masarrat madhur giit gaane lagī

tamannāoñ ke lab pe bhī phuul khilne lage

ruḳh-e-vaqt se

sarakne lagīñ chādaroñ kī taheñ

vo chehra

hazāroñ meñ jo ek thā

tasavvur kī āñkhoñ kī putlī banā

vo lab jin ko farmāyā hai 'mīr' ne

gul-e-surḳh kī pankhuḌī

ḳhayālāt ko kar ga.e shakkarīñ

hinā-rang saarī fazā ho ga.ī

vo gesū

ghaTā.eñ bhī detī thiiñ jin ko ḳhirāj

dil-o-dīda par chhā ga.e

sukūñ rāz-e-taḳh.īl dikhlā ga.e

magar shauq ke haath ne baḌh ke kholā jo dar

na thā koī chehra

na lab the

na gesū

faqat ik hayūlā thā zer-e-naqāb

KHamoshi

KHamoshi

musalsal KHamoshi thi dil ke nagar mein

KHamoshi hi taqdir-e-insan ho jaise

ki ek din achanak

dar-e-dil pe dastak hui

masarrat madhur git gane lagi

tamannaon ke lab pe bhi phul khilne lage

ruKH-e-waqt se

sarakne lagin chadaron ki tahen

wo chehra

hazaron mein jo ek tha

tasawwur ki aankhon ki putli bana

wo lab jin ko farmaya hai 'mir' ne

gul-e-surKH ki pankhuDi

KHayalat ko kar gae shakkarin

hina-rang sari faza ho gai

wo gesu

ghaTaen bhi deti thin jin ko KHiraj

dil-o-dida par chha gae

sukun raaz-e-taKHil dikhla gae

magar shauq ke hath ne baDh ke khola jo dar

na tha koi chehra

na lab the

na gesu

faqat ek hayula tha zer-e-naqab