KHauf

ye duniyā qaid-ḳhāna hai

ham is ke tā-dam-e-āḳhir muqayyad haiñ

ye jitnī gaḌbaḌeñ uljhan haiñ in kā hal talāshūñ maiñ

yā behtar hai

sabhī uljhan sabhī sochoñ sabhī girhoñ ko jaisī haiñ inheñ vaise hī rahne duuñ

sazā kāTūñ

rihā ho luuñ

'ajab girheñ paḌī haiñ zaat ki har ek goshe meñ

mirī socheñ hazāroñ uljhanoñ meñ qaid haiñ shāyad

du'ā do tum

inheñ suljhā sakūñ maiñ bhī

magar ik ḳhauf hai mujh ko

batāo tum ulajhtī be-panah girhoñ ko suljhāte hue ḳhud se ulajh jā.ūñ

to tum pāgal bulāoge mujhe bolo

ye duniya qaid-KHana hai

hum is ke ta-dam-e-aKHir muqayyad hain

ye jitni gaDbaDen uljhan hain in ka hal talashun main

ya behtar hai

sabhi uljhan sabhi sochon sabhi girhon ko jaisi hain inhen waise hi rahne dun

saza kaTun

riha ho lun

'ajab girhen paDi hain zat ki har ek goshe mein

meri sochen hazaron uljhanon mein qaid hain shayad

du'a do tum

inhen suljha sakun main bhi

magar ek KHauf hai mujh ko

batao tum ulajhti be-panah girhon ko suljhate hue KHud se ulajh jaun

to tum pagal bulaoge mujhe bolo