KHayal ke jangal mein basa ek laDka

tum ḳhāmosh havā ho

pahāḌoñ nadiyoñ dariyāoñ se guzarte hue

na koī nishān banāte ho

na koī alāmat

lekin tumhārī hañstī āñkheñ

manzaroñ kā ras kashīd kar letī haiñ

aur tumhārī dāḌhī

jis ke ek ek baal kī chubhan

kisī anjān dhartī ke

umr-rasīd sabze jaisī hai

jis ne jaane kitne dariyāoñ kā paanī piyā hai

aur maiñ tumhāre sang

nāḳhunoñ ke bal chaltī huuñ

aur hañstī jaatī huuñ

mujhe ḳhabar hī nahīñ ki nāḳhun

kab se uñgliyoñ ke andar

dhañs chuke haiñ

lahūluhān haiñ

tum KHamosh hawa ho

pahaDon nadiyon dariyaon se guzarte hue

na koi nishan banate ho

na koi alamat

lekin tumhaari hansti aankhen

manzaron ka ras kashid kar leti hain

aur tumhaari daDhi

jis ke ek ek baal ki chubhan

kisi anjaan dharti ke

umr-rasid sabze jaisi hai

jis ne jaane kitne dariyaon ka pani piya hai

aur main tumhaare sang

naKHunon ke bal chalti hun

aur hansti jati hun

mujhe KHabar hi nahin ki naKHun

kab se ungliyon ke andar

dhans chuke hain

lahuluhan hain