KHayalon KHwabon ka ek nagar tha

ḳhayāloñ ḳhvāboñ kā ik nagar thā

vahīñ pe merā bhī ek ghar thā

aur us ke dīvār-o-dar ke andar

mirā jahāñ thā mirī kitābeñ

maiñ un meñ kho kar fasāne suntī

aur apnī bhī ik kahānī buntī

tumheñ sunātī to dekhtī maiñ

tumhārī āñkhoñ meñ vo hī sapne

jo merī āñkheñ bhī dekhtī thiiñ

sajīle din aur nashīlī shāmeñ

añdherī rātoñ meñ mere dilbar

hazāroñ tāroñ kī vo barāteñ

magar haqīqat ye hai ki ḳhvāboñ

kī hai jo duniyā vo sach nahīñ hai

mujhe ḳhabar kyā ki tum kitāboñ

kī bastiyoñ se chale ga.e the

tumhārī bātoñ ko yaad kar ke

hazāroñ ḳhat bhī likhe the maiñ ne

na maiñ ne samjhā na maiñ ne jaanā

ki tum to ḳhvāboñ kī is Dagar se

bhī kaafī aage nikal chuke the

ulajh rahe the ḳhayāl saare

jo ḳhvāb the sab ujaḌ ga.e the

kitāb-e-dil ke varaq bhī saare

phaTe paḌe the bikhar ga.e the

ab us kī dīvār-o-dar ke andar

hai bas añdherā hai bas añdherā

ḳhayāloñ ḳhvāboñ kā ik nagar thā

vahīñ pe merā jo ek ghar thā

KHayalon KHwabon ka ek nagar tha

wahin pe mera bhi ek ghar tha

aur us ke diwar-o-dar ke andar

mera jahan tha meri kitaben

main un mein kho kar fasane sunti

aur apni bhi ek kahani bunti

tumhein sunati to dekhti main

tumhaari aankhon mein wo hi sapne

jo meri aankhen bhi dekhti thin

sajile din aur nashili shamen

andheri raaton mein mere dilbar

hazaron taron ki wo baraaten

magar haqiqat ye hai ki KHwabon

ki hai jo duniya wo sach nahin hai

mujhe KHabar kya ki tum kitabon

ki bastiyon se chale gae the

tumhaari baaton ko yaad kar ke

hazaron KHat bhi likhe the main ne

na main ne samjha na main ne jaana

ki tum to KHwabon ki is Dagar se

bhi kafi aage nikal chuke the

ulajh rahe the KHayal sare

jo KHwab the sab ujaD gae the

kitab-e-dil ke waraq bhi sare

phaTe paDe the bikhar gae the

ab us ki diwar-o-dar ke andar

hai bas andhera hai bas andhera

KHayalon KHwabon ka ek nagar tha

wahin pe mera jo ek ghar tha